Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Amarnath Barick

Children

4  

Amarnath Barick

Children

ରକ୍ଷାବନ୍ଧନ

ରକ୍ଷାବନ୍ଧନ

1 min
359


ଗୋଟେ ଅଗଣାରେ ଖେଳୁଥିଲେ ଆମେ

ପିଲାଟି ଦିନରୁ କେତେ

ଲୁଚିଯାଉଥିଲୁ କବାଟ କଣରେ

ଖୋଜୁଥିଲି ମୁଁ ତତେ ।


ଜନମ ଦିନରେ ହେଲେ ନୂଆ ଜାମା

ଖୁସିରେ ତୁ ନାଚି ଯାଉ

କାନ୍ଦି ଗଡ଼ିଯାଏ ଅଝଟିଆ ହୋଇ

ମତେ ବି ଆଣିଦେ ବଉ ।


ଘରେ ମାଛ ଭଜା ହେଲେ କେବେ

ଯଦି ବଉ ମତେ ଦିଏ ଗୋଟେ

ତୁ କହୁ ରାଗରେ ତାଟିଆ କଚାଡି

ଖାଇବିନି ଆଜି ମୋଟେ ।


ରାକ୍ଷୀ ବନ୍ଧନରେ ବାନ୍ଧିଲେ ତୁ ରାକ୍ଷୀ

ଖୋଇ ଦେଇ ମିଠାଟିଏ

ଗୋଡେଇ ଗୋଡେଇ ମତେ ଭିଡ଼ି ନେଇ

କହୁ ତୁ ପାଉଣା ଦିଏ ।


ମୋ ଗେଲ୍ଲୀ ଭଉଣୀ ସୁନା ନାକି କହି

ମନାଏ ଚୁମ୍ବନ କରି

ବଡ଼ ହୋଇଗଲେ ତତେ ଆଣିଦେବି

ଶାଢ଼ୀ ପାଟ ଲଗା ଜରି ।


କାଲି ଥିଲୁ ଆମ ଅତି ଆପଣାର

ଆଜି ହେଇ ଗଲୁ ପର

ସେନେହଁ ମମତା ଅଗଣାକୁ ଭୁଲି

ଚାଲିଗଲୁ ଶାଶୁଘର ।


ବାନ୍ଧି ଗଲୁ ନାହିଁ ରାକ୍ଷୀ ମୋ ହାତରେ

ରକ୍ଷା କବଚ ଟେ ଦେଲୁ

ଘୃତ ଦୀପ ଆଉ ଫୁଲ ଚନ୍ଦନରେ

ମତେ ତୁ ବନ୍ଦାଣ କଲୁ ।


ଭଉଣୀଲୋ ତୋର ରାକ୍ଷୀର ମହତ୍ଵ

ରଖିବି ସାରା ଜୀବନ

ଆସିବାକୁ କେବେ ଦେବି ନାହିଁ ମନେ

ଆଜୀବନ ବାଧା ବିଘ୍ନ ।


Rate this content
Log in