ଲାଇବ୍ରେରୀ
ପ୍ରୋଫାଇଲ୍
"ରାସ୍ତାର ନିୟମ ମାନି ଚଳିଲେ...."
"ରାସ୍ତାର ନିୟମ ମାନି ଚଳିଲେ...."
1 min
36
ପେଁ ପାଁ ପେଁ ଶବଦ କରି
ରାସ୍ତାରେ ଚାଲିଛି ଗାଡି
ବାଁ, ଡାହାଣ ନଦେଖି ସନା
ଆଗକୁ ଯାଉଛି ମାଡି ll
ପଛରୁ ରହି ଡାକିଲା ଘନା
ହଇରେ ସନିଆ ଭାଇ
ରାସ୍ତାର ନିୟମ କାନୁନ କିଛି
ତତେ କିରେ ଜଣା ନାହିଁ? ll
ବାଁ, ଡାହାଣ, ଆଗ, ପଛକୁ
ନଦେଖି ଯାଉଛୁ ମାଡି
ଅସାବଧାନ ଟିକିଏ ହେଲେ
ବିପଦରେ ଯିବୁ ପଡି ll
ଦୁର୍ଲ୍ଲଭ ସମ ଏଇ ଜୀବନ
ତା'ର ସୁରକ୍ଷା ପାଇଁ
ଅଜ୍ଞାନତାର ପ୍ରରୋଚନାରେ
କେବେବି ଭୁଲ ନାହିଁ ll
ବାଁ, ଡାହାଣ, ଆଗ, ପଛକୁ
ଦେଖିକି ଭଲ ଭାବେ
ସାବଧାନରେ ରାସ୍ତାକୁ ପାର
ହୋଇବ ଯାଇ ତେବେ ll
ଏଇ କଥାକୁ ମନରେ ହେଜି
ନହୋଇ ବୁଦ୍ଧି ବଣା
ରାସ୍ତାର ନିୟମ ମାନି ଚଳିଲେ
ହେବନି ଦୁର୍ଘଟଣା ll
