ରାମୁର ଧନତେରସ

ଶୁଣ ଶୁଣ ସଭା ଜନେ ଅପୂର୍ଵ କାହାଣୀ

ରାମୁର ଭାରିଜା ତାର ନାମ ରାମାୟଣୀ ।

କାର୍ତ୍ତିକେ ଧନତେରସ ପରବ ଆସିଲା

ରାମାୟଣୀ ପାଦ ଆଉ ତଳେ ନଲାଗିଲା l

ରାମୁ ପକେଟରୁ ମାରି ସଞ୍ଚି ଅଛି ଟଙ୍କା

ସେଥିରେ କିଣିବ ଏକ ହୀରକ ମୁଦ୍ରିକା l

ଗଣ୍ଠିଆ ରାମୁଟା କିଛି ଶୁଣେନାହିଁ କାନେ

ଆଜି ଶୁଣ୍ଠୀଆ ରାମୁକୁ ଦେବି ମୁହିଁ ପାନେ l

ତରବରେ ସବୁ ଟଙ୍କା ପକାଇଲା ଗଣି

ଲକ୍ଷେଟଙ୍କା ଦେଇଛନ୍ତି ଲକ୍ଷ୍ମୀ ଠାକୁରାଣୀ l

ଫୋନ କରି ମଗାଇଲା ଓଲା ଚାରିଚକା

କୋଉଶଳେ ବାହାରିଲା ବଜାରକୁ ଏକା l

ଲାଲ ଚାନ୍ଦ ଦୋକାନରେ ବୁଲି ଘିରି ଘିରି

ଦେଖାନ୍ତି ଜିନିଷ ଜି ଆଜ୍ଞା ମାଡାମ କରି l

ବହୁ ବଛା ବଛି କରି ପକାଇଲେ କିଣି

ସୁବର୍ଣ୍ଣ ମୁଦ୍ରିକା ପରେ ହୀରାର ବସଣି l

ବିଲ୍ ଗୋଟି ଆସିଗଲା ଲକ୍ଷେଟଙ୍କା ରଫା

ଦେଖିଲେ ଭାନିଟିବ୍ୟାଗ ହୋଇଅଛି ସଫା l

ବଜାରୁ ଫେରିଲେ କାନ ମୁଣ୍ଡକୁ ଆଉଁସି

ଗଳଦଘର୍ମ ପତ୍ନୀ ଦେଖି ରାମୁ ଦେଲାହସି ।