ସୁନା ପଲଙ୍କରେ ରାଜନନ୍ଦିନୀ
ରୂପଟି ତାହାର କିସୁନ୍ଦର ଆହା ,
ବସିଛି ମଉନେ ଭାରି ଗୁମାନି ! ।
ସାରୁ ପତରିଆ କଅଁଳ ମନ
ଢଳଢଳ ନିତି ଧରୁନି ଘରଲୋ ,
ଅସମ୍ଭାଳ ଦେଖି ପୁନେଇ ଜହ୍ନ ।
ଫୁଲର ସହରେ ଲକ୍ଷେ ଭଅଁର
କାହାକୁ କରିବ ଅତି ନିଜରସେ ,
ଉଡିଯାନ୍ତି ସବୁ କରିଣ ପର ।
ଅଦିନେ ମାଇଲା ଚଇତି ଖରା
ଅଲୋଡା ହେଲାଣି ରୂପ ପସରାଲୋ ,
ଗୋରା ଦେହକି'ତା ଦିଶୁଛି ତୋରା ।
ଝୁମୁରୁ ଝୁମୁର ପାଦ ପାଉଁଜି
ସବୁ ସାଙ୍ଗସାଥି ଗଲେ ବାହାହୋଇ
ଝୁମୁରି ଚାହିଁଛି ଜଳକାହୋଇ ।
ଲକ୍ଷେ ଛାୟାଚିତ୍ର ଇନ୍ଦ୍ରଧନୁର
ସଜେଇ ଆଙ୍କିଛି କାମଦେବ ଆଃହା
ଦେଖିଦେଲେ ଫେରେ ନାହିଁ ନଜର ।
ଆଲୋ ମୋ ଫୁଲେଇ କଖାରୁ ଫୁଲ
ବାହାପାଞ୍ଜି ଥରେ ଖୋଲିଯାଉ ତୋର
ବୁଲୁଥିବୁ କେତେ ହୋଇଣ ଗେଲ ।
ରୋଷେଇ କରିବୁ ଶାଗ ବେସର
କୁନା କୁନି ଦୁହେଁ ହସିଦେଲେ ଥରେ
ଭୁଲିଯିବୁ ପରେ ପଡିଶା ଘର ।
ଚାରି ଚକୁଳିରେ ଆଠଟି ଚାଇଁ
ଭାଇନା ଆସିଲେ ଚା' କରିଦେବୁ
ଆମେ ଗଲେ ମୁହଁ ଦେବୁଆଡେଇ ।
ରାହାସ କୁମାର ବେହେରା
ଵାଲ୍ୟମ୍ବା , ଭାପୁର , ଢେଙ୍କାନାଳ
ମୋ: 8280336088