Library
Profile
ରାଧା ଲୋ ରାଧା
ରାଧା ଲୋ ରାଧା
ରାଧାଲୋ ରାଧା
କଥା ସବୁ ରହିଗଲା ଅଧା
କାହ୍ନୁ ଗଲା ମଧୁପୁର
ତୋତେ କରି ସାତପର
ଦୁନିଆ ହୋଇଲା ତୋ
ଆଖି ଲୁହରେ ଓଦା ..
ରାଧାଲୋ ରାଧା ...
ସାକ୍ଷୀ ଏ କଦମ୍ବ ମୂଳ
ସାକ୍ଷୀ ଏ ଯମୁନା କୂଳ
କାହ୍ନୁର ବଇଁଶୀ ସୁର
କିଣିନେଲା ମନ ତୋର
କୂଳ ଭୁଆଶୁଣୀ ହୋଇ
କୁଞ୍ଜବନେ ଗଲୁ ଧାଇଁ
କୂଳ ଲାଜ ଭୁଲିଗଲୁ
ରାସରେ ତୁ ରସିଗଲୁ
ରାଧାଲୋ ରାଧା
କଥା ସବୁ ରହିଗଲା ଅଧା
ଫେରିଲାନି କାହ୍ନୁ ଆଉ
ବିଧାତା ସାଧିଲା ଦାଉ
ମିଛରେ ରଟିଲା ତୋ ନାଁ ରେ
ଅପବାଦ ନିନ୍ଦା
ରାଧାଲୋ ରାଧା ....
ପାଉଥିଲା ଏତେ ଭଲ
କଲା କିଆଁ କଲବଲ
ଅବୁଝା ଏମିତି ହେଲା
ତୋ ମନକୁ ନବୁଝିଲା
ଜାଣିଜାଣି ଗଲା ଚାଲି
ଫେରି ଚାହିଁଲାନି ବୁଲି
ତା ବାଟକୁ ଚାହିଁଚାହିଁ
ରାତି ଗଲା କେତେ ପାହି
ରାଧାଲୋ ରାଧା
କଥା ସବୁ ରହିଗଲା ଅଧା
ଜଳାଇ ଜଳାଇ ତୋତେ
କିଲାଭ ପାଇଲା ସତେ
ମିଛେ ଯାହା ମନକୁ ତୋ
ଦେଲୁ ତାକୁ ବନ୍ଧା
ରାଧାଲୋ ରାଧା ....।
