ପ୍ରତ୍ୟାବର୍ତ୍ତନ

ଡ଼ରାଇବା ଭୂତାଣୁ ଡରିବା ଶିଖୁଛି

କୋଭିଡ ଉଣିଶି ଭ୍ୟାକସିନରେ ।

ଥରୁଥିବା ଛାତିଟା ନିଃଶ୍ୱାସ ମାରୁଚି

ଋଷିଆଧିପତିଙ୍କ ଘୋଷଣାରେ ।।

ନିଜ ଝିଅଦେହେ ପ୍ରୟୋଗ କରିଣ

ପ୍ରମାଣିତ କଲେ ତା'ର ପ୍ରଭାଵ ।

ଏବେ ଏହାକୁ ଡାକ୍ତର ସ୍ୱାସ୍ଥ୍ୟକର୍ମୀ

ଓ ବରିଷ୍ଠମାନଙ୍କୁ ଦିଆଯିବ ।।

ସ୍ୱାସ୍ଥ୍ୟ ବିଭାଗ ତା ଗବେଷଣାଗାରେ

ଲାଗିଛି ଜ୍ଞାନ କୌଶଳ ଖଟାଇ ।

ମୋ ଭାରତ ଦେଶ ଆଶା ରଖିଅଛି 

ଶୀଘ୍ର ଦେବ ମୁଖେ ହସ ଫୁଟାଇ ।।

ହଟିବ ଶୃଙ୍ଖଳ ଫେରିବ ଅବସ୍ଥା

ସଭିଏଁ ପ୍ରଗତିରେ ହେବେ ସାହା ।

ଛାଡି ନିଜ ସ୍ୱାର୍ଥ ରଖି ରାଷ୍ଟ୍ର ଭାଵ 

ନିଶ୍ଚୟେ ଧରିବେ ନିଜର ରାହା ।।

ଧନ୍ୟ ସ୍ୱେଚ୍ଛାସେବୀ ତୁମ ଆଗଭର

ଦେଶକୁ ଯୋଗାଏ ପ୍ରେରଣା ବଳ ।

ସେ ପ୍ରେରଣା ସଦା ଆହ୍ଲାଦିତ କରୁ 

ମହୀରେ ସଂହତି ମାନବକଳ ।।