ପ୍ରଥମ ପ୍ରେମର ଚିଠି

ପ୍ରଥମ ପ୍ରେମର     ପ୍ରଥମ ଚିଠିଟି 

  ଲେଖୁଛି ଆଜି ତୋ ପାଇଁ 

କହିଥିଲୁ ଯାହା   ମାନେ ରଖିଛୁ ନା 

   ଭୁଲିଗଲୁ କଥା ଦେଇ (1)

ଲେଖିଥିଲି ଯାହା  ତୋ ପାଇଁ କବିତା 

   ପଢୁଛି ଆଜି ମୁଁ ବସି 

ଭାବୁଛି ତୋ କଥା  ଭାବିବିନି ଆଉ 

   ତୁ ମନେପଡୁଛୁ ବେଶି (2)

ଜାଣିନି ମୁଁ ତୋତେ ଭଲ ପାଏ କେତେ 

   ପାରିବିନି କିଛି କହି 

ହେଲେ ମୁଁ ଜାଣିଛି  ତୁମ ବିନା ସାଥି 

   ପାରିବିନି ଏଠି ରହି (3)

ସ୍ମୃତି ସାଉଁଟିଲେ  ବିବଶତା ମିଳେ 

    ମିଳେନି ପ୍ରୀତିର ସୁଖ 

ମଉଳା ଫୁଲରେ  ଅତୀତ ଖୋଜିଲେ 

   ହୁଏ ଖାଲି ମନ ଦୁଃଖ (4)

ଚିଠି ପାଇ ଚିଠି   ଲେଖିବୁ ଭାବୁଛି 

   ବୁଝି ମନ କଥା ମୋର 

ମୋ ହୃଦୟ ବ୍ୟଥା  କିଛି କମିଯିବ 

  ପାଇଲେ ଉତ୍ତର ତୋର (5)