ପ୍ରୀତି ଗୀତି

ଅଳପ ହସି

ନିରବେ ବସି 

ଭାବଇ ଯେବେ ତୋହରି କଥା। 

ଖୁସି ତ ଦିଏ

ମନକୁ କେତେ 

ସାଥିରେ ଦିଏ ମରମେ ବ୍ୟଥା ।।

ସେଦିନ ଥିଲା 

କେମିତି ଭଲା 

ଆଖିରେ ଯେବେ ଆଖି ମିଶିଲା ।

ଦେଖା ପ୍ରଥମ 

ହେଲା ଭରମ 

ହୃଦୟ ଭଲା କେମିତି ଗଲା।।

ଗଲା ତ ଗୋଟେ 

ଆସିଲା ଗୋଟେ 

ହିସାବ ଲାଗେ ସମାନ ହେଲା।

ହିସାବ ସମ

ଲାଗେ ବିଷମ

ବଦଳ ଲେଖା ଅଡୁଆ ହେଲା ।

ଅଡୁଆ ମନ 

ଶୁଣ ଗୋ ଧନ 

ପ୍ରେମରେ ପଡି ପଥ ହୁଡିଲା।

ସୁଖ ଭୁଲିଲା 

ଶାନ୍ତି ଭୁଲିଲା 

ଜଣାନପଡେ କେମିତି ହେଲା। 

ତୁମରି ବିନା 

ଲାଗଇ ଛିନା 

ସତେକି ସୁଖ ସରଧା ମନା। 

ମିଳନ ପାଇଁ 

ରହେ ମୁଁ ଚାହେଁ 

ଝୁରେ ଏ ମନ ତୁମରି ବିନା।

ଯେବେ ମୁଁ ବସି 

ଦେଖେ ଆରସି 

ତୁମରି ମୁହଁ ଉଠଇ ହସି।

ସପନ ଦେଖେ

କାହାଣୀ ଯୋଖେ

ମନରେ ହସି ଏକଲା ବସି।

ଇଏ କି ଯୋଗ 

ଅବା ଏ ରୋଗ 

ବାଟ ହୁରୁଡି ଗଲିଣି ଉଡି ।

ଗଲିକି ସରି 

ଜାଣେନା ପାରି 

ପ୍ରେମରେ ପଡି ଗଲି କି ବୁଡ଼ି ?