ପ୍ରେମରେ ପ୍ରେମରେ

ବାଟୋଇ ମୁଁ ଏକ ତୁମେ ସିନା ଛାୟା

         ଦାନ କରୁଥିଲ ମୋତେ,

ବୃହତ୍ ଭାନୁ ଭାନୁ ପ୍ରଭାରେ ମୋ ତନୁ

        ପକାଇଲ କେଉଁ ମତେ ।

ବୃଷଭାନୁ ସୁତା ବିରହେ ଯେପରି 

        ହେଉଥିଲେ ହୃଷିକେଶ ,

ବିକଳ ହେଉଛି ଅନ୍ତର ସେପରି

         ଗୋଚର ଥିବ ଅବଶ୍ୟ ।

ବାମଦେବ ଯୋଗେଶ୍ବର ହୋଇ ବି ତ,

         ଛାଡ଼ି ନ ପାରନ୍ତି ବାମା ,

ବିଜୟ କିପରି କରିବି କାମକୁ 

        ଛାଡ଼ି ତ ନ ପାରେ ଜମା ।

ବହୁଦୂରେ ଯାଇ ରହିଗଲ ତୁମେ

         ହୋଇଲାଣି ବହୁଦିନ ,

ବାରତା ପାଇଲେ ଦେଖିଲା ପରାୟ

         ଲାଗୁଅଛି ମୋର ମନ ।

ବକୁଳ ବନର କୋକିଳ ପରି ମୋ

         ଅନ୍ତର ଡାକେ ତୁମକୁ ,

ବକୁଳ ତମାଳ ସ୍ନେହ ମଲ୍ଲିମାଳ

       ଧରି ଆସ ମୋ କୋଳକୁ ।

ବେନି ଛାତି ଯିବ ମିଶି

       ବାନ୍ଧିବା ସ୍ମରକୁ କଷି

ବିକଳେ ବୋବାଳି ଛାଡୁଥିବ ସେତ

        ଆଉ ନ ପାରିବ ଆସି ।