ପ୍ରେମରେ ପଡୁନ ଥରେ

ମୁଁ କହିଲି ଏତେ ଅଭିମାନ

     କ'ଣ ପାଇଁ କରୁଛ ନିଜ ଉପରେ

ସବୁ ରାଗ ରୁଷା ଛାଡି ଦେଇ

       କାହା ପ୍ରେମରେ ପଡୁନ ଥରେ ,

ମନରେ ଲଗାଅ ପ୍ରଜାପତିର ଡେଣା

ଲଂଘି ଯାଅ ପାହାଡ଼ ପର୍ବତ ଝରଣା ,

ଦେଖିବ ଭଲ ହିଁ ଲାଗିବ ବଂଶୀସ୍ୱନ

ବଉଳର  ବାସ୍ନା  ମଧୁପର ଗୁଞ୍ଜନ .......

ସେ କହିଲା କ'ଣ ପାଇଁ କରିବି ମୁଁ

        ମିଛଟାରେ ଏତେ ଆଡ଼ମ୍ବର

ଆକାଶ ଫର୍ଚ୍ଚା ହେବାକୁ ବସିଲାଣି

       ଏବେ ଆଉ କେଉଁ ଥିରେ ଡର ! 

ଏମିତି ବି ବୟସର ବଢନ୍ତା ନଈରେ

       କେବେ ଠାରୁ ଆସି ସାରିଛି ଜୁଆର ,

କେହି ଯଦି ଗୋଟାପଣେ ଭିଜି ନ ଭିଜିଛି 

       ମୋର ଆଉ କ'ଣ ଅଛି କହିବାର .......