Library
ପ୍ରେମକାଳି +++++++++++++++++++
ପ୍ରେମକାଳି +++++++++++++++++++
1 min
281
ରଜଗୀତ ଗାଇ ଖେଳୁଥିଲା ପ୍ରିୟା ଆମ୍ବ ଡାଳେ ରଜଦୋଳି
ମୁଁ ଯେବେ ଆସିଲି ସେ ଗଛ ପାଖକୁ ଖୁସିରେ ହେଲା ବାଉଳି
ଦୋଳିରୁ ଓଲ୍ଲାଇ ମୟୂରୀ ଚାଲିରେ ଆସିଥିଲା ଧିରେ ଧିରେ
କପାଳେ କୁଙ୍କୁମ ବେଣୀରେ ଗଜରା ପାଦରେ ଅଳତା ଗାରେ
ପ୍ରେମ ସୁହାଗିନୀ ସିଏ ମୋ କାହାଣୀ ଗଳାରେ କାଇଁଚମାଳି
ରଜଗୀତ ଗାଇ ଖେଳୁଥିଲା ପ୍ରିୟା ଆମ୍ବ ଡାଳେ ରଜଦୋଳି
ନିଦାଘ ଖରାରେ ସେ ତୋଟା ଭିତରେ ପ୍ରେମ ହେଲା ଉଜ୍ଜୀବିତ
ମୋ ବାହୁ ବନ୍ଧନେ ଛନ୍ଦି ହୋଇଯାଇ ଗାଇଲା ପ୍ରଣୟ ଗୀତ
ସେ ସମୟ ସତ ଯାଇଛି ଦୂରେଇ ବୋଳିଦେଲି ପ୍ରେମ କାଳି
ରଜଗୀତ ଗାଇ ଖେଳୁଥିଲା ପ୍ରିୟା ଆମ୍ବ ଡାଳେ ରଜଦୋଳି
ମୁଁ ଯେବେ ଆସିଲି ସେ ଗଛ ପାଖକୁ ଖୁସିରେ ହେଲା ବାଉଳି
