ଲାଇବ୍ରେରୀ
ପ୍ରୋଫାଇଲ୍
ପ୍ରେମ ଓ ଫଗୁଣ
ପ୍ରେମ ଓ ଫଗୁଣ
1 min
256
ପଳାସ ପନ୍ଧିଛି ରକ୍ତ ରଙ୍ଗ ପାଟ
ମହୁଲ ବୁକୁରେ ଅବିର ହୋଇଛି ସିଞ୍ଚା
ହସୁଛି ଫଗୁଣ ସିମିଳି ଦେହରେ
ବୋଳିଦେଇ ସତେ ନାଲିଆ ସିନ୍ଦୂର ମେଞ୍ଚା
ପ୍ରେମର କାହାଣୀ ବଖାଣି ବଖାଣି
ଫୁଲର ସହରୁ ଶୀତ ଦିଏ ପଛ ଘୁଞ୍ଚା
ସେବତୀ ସୁନ୍ଦରୀ ସଞ୍ଜ ନଉଁନଉଁ
ମହକ ମାଖୁଛି ସତେ
ମାଳତୀ କୁଞ୍ଜରେ ପ୍ରେମର କବିତା
ଲେଖା ହେଉଅଛି କେତେ
ଫଗୁଣ ଦୋଳିରେ ଝୁଲିଝୁଲି ସେଇ
ପିରତି ପାଗଳ ବାନ୍ଧନ୍ତି ସପନ ମଞ୍ଚା
ଆମ୍ବ ବଉଳର ବାସ ଚହଟଇ
ଫଗୁଣ ଆସିବା ଜାଣି
ଚୋରା ମଳୟରେ ମଲ୍ଲିର ମହକ
ମନ ନେଉଅଛି କିଣି
ପହଲି ପ୍ରେମକୁ ଚହଲେଇ ଦିଏ
ଚଇତି ପବନ , ବୟସକୁ ଦେଖି କଞ୍ଚା
