ପ୍ରେମ କବିତା
ପ୍ରେମ କବିତା
କହିବି କହିବି କେତେ ମୁଁ ଭାବୁଛି
ହେଲେ ପାରୁନାହିଁ କହି,
ଭଲପାଏ ବୋଲି କହିଦେଲେ କାଳେ
ସପନେ ଆସିବ ନାହିଁ ll
ଦେଖିବି ଦେଖିବି ଦିନେ ଗୋରା ଦେହ
ଗାଧୁଆ ତୁଠରେ ବୋଲି,
ଡରଲାଗେ କାଳେ ତୁମେ ଦେଖିନେଲେ
ଲାଜରେ ପଡିବ ନାଲି ll
ଛୁଇଁବି ଛୁଇଁବି ଥରୁଟେ ତୁମକୁ
ଭାବେ ପାରେ ନାହିଁ ଛୁଇଁ,
କାଳେ ଛୁଇଁଦେଲେ ତୁମ ସଜ ଦେହ
ଯିବ ବାସି ଫୁଲ ହୋଇ ll
କହିବିନି କେବେ ଦେଖିବିନି କେବେ
ଛୁଇଁବିନି ତୁମ ଦେହ,
ଅଭିମାନ ଭୁଲି ନିତି ପ୍ରିୟତମା
ସପନରେ ଆସୁଥାଅ ll