ପ୍ରେମ ଘଣ୍ଟି ବାଜିଲା

  ବାଜିଲା ଲୋ ବାଜିଲା

  ପ୍ରେମ ଘଣ୍ଟି ବାଜିଲା

  ହଜିଲାଲୋ ହଜିଲା

  ମନ ମୋର ହଜିଲା  

  ଆମ ଘରପାଖ ସୁନ୍ଦରୀ ଝିଅର

  ପ୍ରେମରେ ମୋମନ ଭିଜିଲା...।

   ଆଖି ଯାଏ ଲାଖି ଚାଲି ତାର ଦେଖି

   ଫଗୁଣ କରୁଛି ବାଦ

   କେମିତି କେଜାଣି ଚୋରି କରୁଛି ସେ

   ମୋ ଆଖିରୁ ନିତି ନିଦ

    ଆସଇ ଲୋ ଆସଇ

    ସପନରେ ଆସଇ

    କୁହଇ ଲୋ କୁହଇ

    କାନେ ମୋର କୁହଇ

    ମୁଁ କାଳେ "କାତ" ତାର 

    ସିଏ ମୋର " ଆହୁଲା"...।

  ନିରୋଳା ରାସ୍ତାରେ ଦେଖି ମୋତେ ଦିନେ

  ଚାହିଁଲା ସେ ବୁଲିବୁଲି

  ପାଖକୁତ ଆସି ମୋ ମୁହଁକୁ ଚାହିଁ

  ହସିଲା ସେ ଖିଲିଖିଲି

  ମାଗିଲାରେ ମାଗିଲା

  ହୃଦୟ ମୋ ମାଗିଲା       

  ଚଗଲା ଲୋ ଚଗଲା

  କଲା ମୋତେ ଚଗଲା

  ବେଶ ତାର ହସ ତାର

  ଫୁଲ ଶର ମାଇଲା ।।