ପ୍ରାୟଶ୍ଚିତ
ପ୍ରାୟଶ୍ଚିତ
ହେ' ମାନବ ଜାତି ମାଗୁଛି ଧରତି
ତୁମ ପାପ ପ୍ରାୟଶ୍ଚିତ୍ତ ।
ତୋଫାନ ବରଷା ବଢ଼ାଏ ଦୁଃର୍ଦ୍ଦଶା
ମହାମାରୀ କରେ ନୁର୍ତ୍ତ୍ୟ ।
କାରଖାନା କଳ ମୋଟର ଯାନର
ବିଷ କରି ବିସର୍ଜନ ।
ଗଗନ ପବନ କଲ ପ୍ରଦୂଷଣ
ସାଗର ସରିତମାନ ।।
ପ୍ରକୃତ୍ତି ସୁନ୍ଦରୀ କାନ୍ଦେ ମୁଣ୍ଡକୋଡି
ତା' ରୂପ ଦିଶେ ବିବର୍ଣ୍ଣ ।
ବଣ ପରବତ କରିଲ ଶ୍ରୀ-ହତ
କାଟି ବୃକ୍ଷ ଲତାମାନ ।।
ବିଜ୍ଞାନ ଜଗତେ ମଂଗଳ ନିମନ୍ତେ
କରିଥିଲ ଉଦ୍ଭାବନ ।
ନାନା ରସାୟନ ଅସ୍ତ୍ର ନିକ୍ଷେପଣ
ପ୍ରକୃତ୍ତି କଲା ବିପନ୍ନ।।
ଜନ ସଂଖ୍ୟା ବୃଦ୍ଧି ବନପ୍ରାଣୀ ବଧି
ନଦୀରେ ବନ୍ଧ ବାନ୍ଧିଲ ।
ଧରା ବୁକୁ ଚିରି ନିଜ ଦରକାରୀ
ରସାୟନ ଧାତୁ ନେଲ।।
ହାରି ସନ୍ତୁଳନ ଧରାରେ କମ୍ପନ
ସାଗର ଲଂଘିଲା କୁଳ ।
ବନ୍ୟା ବାତ୍ୟା ଭୟ କରୁଛି ଅଥୟ
'କରୋନା' ବିଭତ୍ସ ଖେଳ ।।
କଲ ମହାପାପ ନ ଥାଇ ସନ୍ତାପ
ପରିବେଶ ବିଧ୍ବଂସିତ ।
ପ୍ରଳୟ ମୁଖରେ ପୃଥିବୀ ପତିତ
କହେ କର ପ୍ରାୟଶ୍ଚିତ ।।
ଜନସଂଖ୍ୟା ଘୋର ନିୟନ୍ତ୍ରଣ କର
କର ନାହିଁ ପ୍ରଦୁଷଣ ।
ହେବ ପ୍ରାୟଶ୍ଚିତ ହସିବ ଜଗତ
କରିଲେ ବୃକ୍ଷରୋପଣ।।