ପୋଙ୍ଗଲ ବନାମ ମକର
ପୋଙ୍ଗଲ ବନାମ ମକର
ଦକ୍ଷିଣ ଭାରତେ ପ୍ରମୁଖ ପର୍ବଟି
ମକର ସଂକ୍ରାନ୍ତି ଜାଣ
ଏହି ଦିନଟିରେ ନୂଆ ବସ୍ତ୍ର ସର୍ବେ
କରିଥାନ୍ତି ପରିଧାନ ।
ଆନନ୍ଦ ଉଲ୍ଲାସେ ପାଳନ କରନ୍ତି
ହିନ୍ଦୁ ଧର୍ମ ଅନୁଯାୟୀ
ଖର ଦିନ ସବୁ ଏହି ସଂକ୍ରାନ୍ତିରେ
ପରିସମାପ୍ତି ଘଟଇ ।
ଯେ କୌଣସି ଶୁଭ କାର୍ଯ୍ୟ କଲେ ଏହି
ଦିନରେ ହୁଏ ସଫଳ
ଶୌଚ ହୋଇ ମହାଦେବଙ୍କୁ ପୂଜିଲେ
ମିଳିଥାଏ ପୂଣ୍ୟ ଫଳ ।
ମାତା ଯଶୋମତୀ ଶ୍ରୀ କୃଷ୍ଣଙ୍କ ପାଇଁ
ବ୍ରତ ଉପାସନା ଯେତେ
କରୁଥିଲେ ବୋଲି ଦିନଟି ମହତ୍ତ୍ୱ
ଜାଣେ ପୁରପଲ୍ଲୀ ସତେ ।
ଭାଗୀରଥିଙ୍କର ପଛେ ପଛେ ସ୍ୱୟଂ
ଗଙ୍ଗା ମାତା ଯାଇଥିଲେ
କପିଳ ମୁନିଙ୍କ ଆଶ୍ରମ ଦେଇଣ
ସାଗର ସହ ମିଶିଲେ ।
ସଙ୍କରାସୁରକୁ ବଧ କରିଥିଲେ
ଏ ଦିନେ ଦେବୀ ସଂକ୍ରାନ୍ତି
ତେଣୁ ଏହା ଏକ ପବିତ୍ର ଦିବସ
ରହିଅଛି କିମ୍ବଦନ୍ତୀ ।
ଦକ୍ଷିଣାୟନରୁ ଉତ୍ତରାୟଣକୁ
ସୂର୍ଯ୍ୟ ଗତି କରିଥାନ୍ତି
ଧନୁ ରାଶି ଛାଡ଼ି ମକର ରାଶିକୁ
ପୁଣି ପ୍ରବେଶ କରନ୍ତି ।
ଧରାର ଉତ୍ତର ଗୋଲାର୍ଦ୍ଧ ଭାସ୍କର
ଆଡ଼କୁ ଯେ ଢଳିଥାଏ
ଏହି ଠାରୁ ଦିନ ବଡ଼ ହୁଏ ଆଉ
ରାତି ଛୋଟ ହୋଇଯାଏ ।