ପିଲାଦିନ ସ୍ମୃତି
ପିଲାଦିନ ସ୍ମୃତି
ଆଜିବି ଖୋଜୁଛି ସେ ଅଭୂଲା କଥା
ପିଲାଦିନ ସ୍ମୃତି ସବୁ,
ଦିନ ସରିଯାଏ ରାତି ବିତିଯାଏ
ସେଇ କଥା ଭାବୁ ଭାବୁ ।।
କେତେ ମଜାମସ୍ତି କରୁଥିଲୁ ଆମେ
ସବୁ ସାଙ୍ଗ ସାଥି ହୋଇ,
ଆଜି କିନ୍ତୁ ଆମେ ସବୁ ସାଙ୍ଗମାନେ
ବହୁ ଦୂରେ ଅଛୁ ରହି,,।।
କିଏ ପଢୁଅଛି ଡିପ୍ଲୋମା ତ ସତେ
କିଏ ପଢେ ଆଇ.ଟି.ଆଇ,
ଆଉ କିଏ ପୁଣି କଲେଜ ଯାଉଛି
ଅଲଗା ଅଲଗା ହୋଇ ।।
ଅଝଟିଆ ସେଇ ପିଲାଦିନ କଥା
ମନେପଡ଼ିଗଲେ ଆଜି,
ଆଖି ଦୁଇ ମୋର ଛଳ ଛଳ ହୋଇ
ଲୁହରେ ଯାଉଛି ଭିଜି ।।
ଜାଣିନାହିଁ ମୁଁ ଯେ ଆମେ ସବୁ ସାଙ୍ଗ
ହୋଇବୁ ଏକାଠି କେବେ,
ସମସ୍ତଙ୍କଠାରୁ ଦୂରରେ ରହି ମୁଁ
ମନରେ ମନରେ ଭାବେ ।।
ମିଥୁନ୍ ସାହୁ
ମାଳ ତେନ୍ତୁଳିଆ, ପୋଲସରା, ଗଞ୍ଜାମ