ପହିଲି ଆଷାଢ଼ ଆଦ୍ୟ ପୟୋଧର

ପହିଲି ଆଷାଢ଼  ଆଦ୍ୟ ପୟୋଧାରା

ପଟୁଆର ପତ୍ତି ସାଜେ ନିରନ୍ତର ।

ପଞ୍ଚବାଣେ କବଳିତେ ପଞ୍ଚଭୁତେ

ପଞ୍ଚପଲ୍ଲଵ ଅବା ତରୁ ଲତା ଯେତେ ।

ପୟ ଧାରା ତଵ ପ୍ରାଣ ଭରି ଦିଏ

ପରଶେ ମେଦିନୀ ପରାକ୍ରମ ପାଏ ।

ପଦ୍ମାକର ପୟସ୍ୱିନୀ ଓ ପୟୋଧି

ପଞ୍ଚପ୍ରାଣ ଲଭି ପ୍ରୟାଣେ ଜଳଧି ।

ପ୍ରସମିତ ହୁଏ ଗ୍ରୀଷ୍ମ ରୌଦ୍ର ତାପ

ପଲ୍ଲବିତ ତରୁ ପୁଲକେ ଅମାପ ।

ପଦ୍ମାଳୟା ଉପବିଷ୍ଟ ପଦ୍ମାସନେ

ପଞ୍ଚାମୃତ ଢାଳି ତଵ ଆବାହନେ ।

ପୟ ଧାରା ତୁମ ହୁଏ ପୟଃ ସମ

ପରାଧୀନ ଧରା କରେ ଅନ୍ୱେଷଣ ।

ପକୃତି ସଜନ ନାହିଁ ପଟାନ୍ତର

ପ୍ରାପ୍ୟ ଶୀର୍ଷ ତୁମେ ଭର ଯେ ଭଣ୍ଡାର ।