ଲାଇବ୍ରେରୀ
ପ୍ରୋଫାଇଲ୍
ପାର୍ବଣ ବେଳା
ପାର୍ବଣ ବେଳା
1 min
159
ଶରତର ପରଶରେ
ଚଉଦିଗ ନୂଆ ଦିଶେ
ବନ୍ଧବାଡେ କାଶତଣ୍ଡୀ
ଧଳାଧଳା ରଙ୍ଗ ନେସେ ll
ଆକାଶର ଅଗଣାରେ
ଦଳଦଳ ମେଘ ଭାସେ
ସବୁଜିମାଭରା କ୍ଷେତ
ମହମହ ହୋଇ ବାସେ ll
ନାଲିନାଲି କଇଁଫୁଲେ
ପୋଖରୀର ପାଣି ହସେ
ଭରା ନଈ ଭରା ନାଳ
ବରଷା ର ଗୀତ ଘୋଷେ ll
ଭୋଦୁଅରେ ଭାଲୁକୁଣୀ
ଦଶରା ଅଶିଣ ଶେଷେ
ପାର୍ବଣର ପଣତରେ
ହସଖୁସି ଅଙ୍କ କଷେ ।।
ଅତୀତ କୁ ଖୋଜିଖୋଜି
ଖଣ୍ଡାୟତ ଖଣ୍ଡା ଘସେ
ପିଠାପଣା ଉଛୁଳଇ
ଘରେ ଘରେ ସଜ ବସେ ।।
ଦୁର୍ଗାପୂଜା ସରିଗଲେ
ଗଜଲକ୍ଷ୍ମୀ ପୂଜା ଆସେ
କୁଆଁର ପୂହ୍ନେଇ ରାତି
ତୋଫା ଜହ୍ନ ରାତି ହସେ ।।
ଦୀପାବଳୀ କାଳୀପୂଜା
ପାର୍ବଣର ଋତୁ ଶେଷେ
କୁହୁଡି କାକର ସାଥେ
ଥୁରୁଥୁରା ଶୀତ ମିଶେ ।।
