ପାହାଡ ଓ ଝରଣା

ଝରଣା ପାହାଡରେ ପାହାଡ ମୁଁ

ବନ ଝରଣା

ପିଲା ଦିନ ସାଥୀ ତୋର

ତୋତେ କରି ସାତ ପର

ଯିବାପାଇଁ ବହୁ ଦୂର

ମନ ବଳେନା

ପାହାଡ- ଝରଣାଲୋ ଝରଣା

ମୋ ବନ ଝରଣା

ସାଗର ରହିଛି ଚାହିଁ

ବାଟକୁ ତୋର

ଧରି ଢେଉର ହାର

ଖୋଜୁନୁ କାହିଁକି କହ

ତାର ଠିକଣା ?

ଝରଣା- ପାହାଡରେ ପାହାଡ

ତୋ ଛାତି ପଥର

କଲୁ ମୋତେ ବାଟବଣା

କରୁନାହୁଁ ନିଜର

ପାହାଡ- ଝରଣାଲୋ ଝରଣା

ମୋ କରମ ପଥର

ତୋପାଇଁ ଜଳୁଛି ନିତି

ଲୁହ ହୁଏ କାକର

ହଜେଇଖୋଜେ ମୁଁ ତୋତେ

ଜାଣିଜାଣି ଅଜଣା

ଝରଣାଲୋ ଝରଣା.....

ପାହାଡ- ମନଖୋଲି ନାଚୁ କେତେ

ମଉଷୁମୀ ଗୀତରେ

ମୋପାଇଁ ତୁ ଗପ ଆଜି

ସୂରୁଜର କୋପରେ

ଝରଣା- ସାଗରର ଗରଜନ

କାନେ ଯେବେ ବାଜୁଛି

ଜାଣେନି କାହିଁକି କିଆଁ

ଡର ଏତେ ଲାଗୁଛି

ପାହାଡ- ପାରୁନି ମୁଁ ରୋକି ତୋତେ

ମୁକୁଳା ମୋ ଅଗଣା......