ଓଡିଶାର ସ୍ବତନ୍ତ୍ରତା

ଜଗତ ସରସେ ଉତ୍କଳ କୋମଳ ତା ମଧ୍ଯେ କେଶର ପୁଣ୍ଯ ନୀଳାଚଳ । ଥିଲେ ଯହିଁ ତହିଁ ଭାରତ ବକ୍ଷରେ ମଣିବି ମୁଁ ଅଛି ଆପଣା କକ୍ଷରେ

ରାଜ୍ଯମାନଙ୍କ ମଧ୍ଯରେ ସୁପ୍ରତିଷ୍ଠିତ ରାଜ୍ଯ ଭାବରେ ଓଡିଶା ବିଶ୍ବଦରବାରରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛି ।

ଓଡିଶାର ଚତୁଃପାର୍ଶ୍ବରେ ନଦୀ, ନାଳ, କ୍ଷେତ, ସବୁଜବନାନୀ ତାର କାୟା ବିସ୍ତାର କରିଛି ।

ମହାନଦୀ, କାଠଯୋଡି, ବୈତରଣୀ, ବ୍ରାହ୍ମଣୀ, ଚିତ୍ରତ୍ପୋଳା, ମହେନ୍ଦ୍ରତନୟା ଏବଂ ଦୟା ଭଳି ନଦୀ ଏ ରାଜ୍ଯର ମୁଖଶାଳା । ପୃଥିବୀ ପ୍ରସିଦ୍ଧ କୋଣାର୍କ ମନ୍ଦିର ଏବଂ ଜଗତର ନାଥ ଜଗନ୍ନାଥଙ୍କ ଧାମ ନୀଳାଚଳଧାମ ଅନୁପମ କଳାର ଅଧିକାରୀ ।

ପିପିଲି, ଚିନ୍ଦୁଆ, କଟକନଗର ରୂପା ତାରକସି କାମ, ସମ୍ବଲପୁର ଶାଢୀ ପାଇଁ ଓଡିଶାର ନାମ ସାରା ବିଶ୍ବରେ ବିଖ୍ୟାତ ।

ହୀରାକୁଦ ଜଳଭଣ୍ତାର, ଚିଲିକାର ହ୍ରଦଭରା ନୀଳଜଳ, ଶିମିଳିପାଳ ଅଭୟାରଣ୍ଯ ଜନ୍ତୁଙ୍କର ଲୀଳାଖେଳା ଏ ଓଡିଶା ମାଟି ।

ଆଜି ଶୂକଦେଇଙ୍କ ପରି ବୀରାଙ୍ଗନା ଏବଂ ଖାରବେଳଙ୍କ ଗାଥା ଓଡିଶାର କୀର୍ତ୍ତିମାନ ଗୌରବକୁ ପ୍ରତିପାଦିତ କରୁଛି ।

ଚଣ୍ତାଶୋକରୁ ଧର୍ମାଶୋକକୁ ରୂପାନ୍ତରିତ କରି ଓଡିଶା ତା ଇତିହାସରେ ଏକ ଗୌରବମାନ ଇତିହାସ ଯୋଡିଦେଇଛି ।

ଓଡିଶାର ମାତୃଭାଷା ସୁନ୍ଦର ମଧୁର ଓଡିଆ ଭାଷା ଯାହା ଆଜି ଯଶକୀର୍ତ୍ତିରେ ଶିଖରସ୍ଥାନ ଛୁଇଁପାରିଛି ଏବଂ ଓଡିଶାକୁ ମହିମାନ୍ବିତ କରିଛି ।