ନୂଆ ଏକ ପୃଥିବୀ
ନୂଆ ଏକ ପୃଥିବୀ
ତୁମେ ଫେରିଆସ
ଆଉଥରେ ଦୁହେଁ ମିଶି
ସଜାଡ଼ିବା ଉଜୁଡା ଘର ;
ଜହ୍ନ ରାତିର ଝଳକରେ
ଲେଖିବା ବିଚ୍ଛେଦର କବିତା
କବିତାର ଶୀର୍ଷକ ଦେବା
ତୁମେ ଆଉ ମୁଁ ଏକ ;
ଅଭାବକୁ ପରଦା ଭିତରେ ଲୁଚେଇ
ଦୁହିଁଙ୍କ ଓଠରେ ହସ ଆଣିବା ;
ଖୋଜିବା ନୂଆ ଏକ ପୃଥିବୀ
ଯେଉଁଠି ନ ଥିବ ଭୟ
ଆଶଙ୍କା କପଟ ଆଚରଣ ;
ଝରୁଥିବା କୁଳୁକୁଳୁ ଝରଣା କୂଳେ
ଭିନ୍ନ ଭିନ୍ନ ପକ୍ଷୀର ରାବରେ
ଉତ୍ତେଜିତ କରୁଥିବ ମନକୁ
ଆମେ ଦୁହେଁ ଖୁସି ଖୋଜିବା ;
ଅମୂଲ୍ୟ ଶୀତଳ ପବନରେ
ଜଳାଞ୍ଜଳି ଦେଉଥିବା ବୟସ
ପ୍ରେମରେ କବର ପାଳଟି ଗଲାପରେ
ଆମ ଲେଖାର ପ୍ରତିଟି ପୃଷ୍ଠା
ଜୀବିତ ହୋଇ ପୁଣି ବଞ୍ଚିଯାଉଥିବ ।