ଲାଇବ୍ରେରୀ
ପ୍ରୋଫାଇଲ୍
ନୂଆ ବରଷ ଆସୁଛି
ନୂଆ ବରଷ ଆସୁଛି
ନୂଆ ବରଷ ଆସୁଛି
ନୂଆ ବରଷ ଆସୁଛି
ଗାଆଁରୁ ସାରା ସହର ଚମକୁଛି
ମାଇକ୍ ବାଜା ବାଜୁଛି
ମାଇକ୍ ବାଜା ବାଜୁଛି
ବାଟ ଘାଟ ସବୁ ଉଠୁଛି ପଡୁଛି
ନୂଆ ବରଷ ଆସୁଛି
. ନୂଆ ବରଷ ଆସୁଛି।
ଚାରିଆଡ଼େ ସୁନ୍ଦର ତୋରଣ
ଶୁଭେଚ୍ଛା ବାର୍ତ୍ତା ଅଭିନନ୍ଦନ
ଖାଇବା ପିଇବା ଆୟୋଜନ
ଯୋଜନା ହୁଏ କେତେ କଅଣ।
ବଜାର ଭିଡ଼ ଦୋକାନ ଜାମ୍
କିଣା ହୁଏ ଦେଖି ଦରଦାମ୍
ଯା'ର ଦରକାର ଯା' ସରଞ୍ଜାମ୍
ଯୋଗାଡ଼ କରି ନିଏ ବିଶ୍ରାମ୍।
ନୂଆ ବରଷ ଆସୁଛି
. ନୂଆ ବରଷ ଆସୁଛି
ହୋଟେଲ୍ ଲଜ୍ ହୁଅଇ ବୁକ୍
ଦିଲ୍ ଦିୱ୍ବାନା ସ୍ମାଇଲ୍ ଲୁକ୍
ରଙ୍ଗୀନ୍ ଆଲୁଅର ସଉକ୍
ସପନ ଦେଖାର ନାହିଁ ରୁକ୍।
ଆନନ୍ଦ ଉଲ୍ଲାସର ମାହୋଲ୍
କରନ୍ତି ଯା'କୁ ଯା' ଲାଗେ ଭଲ୍
ଆସେ କେତେ କେତେ ଫୋନ୍ କଲ୍
ସହରଟା ହୁଏ ହଲ୍ ଚଲ୍।
ନୂଆ ବରଷ ଆସୁଛି
ନୂଆ ବରଷ ଆସୁଛି
ମଜା ମଉଜେ ମନୋରଞ୍ଜନ
କରି ବିତିଯାଉ ରାତିଦିନ,
ପୂରଣ ହେଉ ସବୁ ସପନ
ସୁଖ ଶାନ୍ତିରେ କଟୁ ଜୀବନ।
ନୂଆବର୍ଷ ପରି ଏ ଆନନ୍ଦ
ରହିଥାଉ ନ ଆସୁ ବିପଦ,
ଆଖିକୁ ଆସୁ ସୁଖର ନିଦ
ଦୂରେଇ ଯାଉ ଦୁଃଖ ବିଷାଦ।
ନୂଆ ବରଷ ଆସୁଛି
ନୂଆ ବରଷ ଆସୁଛି l
