ନମୋ ନମଃ ସହଶ୍ରାଂଶୁ

ନମସ୍ତେ ନମସ୍ତେ ପ୍ରଭୁ ସୂର୍ଯ୍ୟ ନାରାୟଣ l

ତୁମ୍ଭେ ବିଶ୍ଵ ସୃଷ୍ଟି, ସ୍ଥିତି, ଲୟର କାରଣ ll

ନମ ନମ ପ୍ରଭୁ ଆଦିଦେବ ହେ ଆଦିତ୍ୟ l

ତବ ଆଗମନେ ହେଲା ଧରା ଉଦ୍ଭାସିତ ll

ନମସ୍ତେ ନମସ୍ତେ ପ୍ରଭୁ ତମ ନାଶ କାରୀ l

ହିମୋଘ୍ନ ତମୋଘ୍ନ ପ୍ରଭୁ ଅର୍କ ଦଇତାରୀ ll

ନମୋ ନମ ସହଶ୍ରାଂଶୁ ପ୍ରଭୁ ଅଂଶୁମାଳୀ l

ଉଦୟ ହୋଇଲ ଶୁଭେ ବିହଙ୍ଗ କାକଳି ll

ନମସ୍ତେ ନମସ୍ତେ ପ୍ରଭୁ ଦେବ ଛାୟାପତି l

ତୁମ୍ଭ ତାତ ମାତ ପ୍ରଭୋ କଶ୍ୟପ ଅଦିତି ll

ତୁମ୍ଭ କୁଳେ ଜନମିଲେ ଯେତେକ ନୃପତି l

ସଂସାରରେ ଥାପିଗଲେ ଅକ୍ଷୟ କୀରତି ll

ନମସ୍ତେ ନମସ୍ତେ ନମଃ ଦେବ ଦିବାକର l

ସଂସାରୁ ହରହେ ପ୍ରଭୋ ଅଜ୍ଞାନ ତିମିର ll

ନମସ୍ତେ ପ୍ରଭୁ ମାର୍ତ୍ତଣ୍ଡ ନମସ୍ତେ ଅର୍ଯ୍ୟମା l

ଯମ ତୁମ୍ଭ ପୁତ୍ର, କନ୍ୟା, ଅଟନ୍ତି ଯମୁନା ll

ତାରାଗଣ ଲୁପ୍ତ ହେଲେ, ଅସ୍ତ ତାରାପତି l

ଦିନକର ଚରଣେ ମୋ କୋଟିଏ ପ୍ରଣତି ll