ନମସ୍ତେ ନମସ୍ତେ କମଳା

ନମସ୍ତେ ନମସ୍ତେ କମଳା 

  =============

ନମସ୍ତେ ନମସ୍ତେ କମଳା l

  କେ ବର୍ଣ୍ଣିି ପାରିବ ତୋ ଲୀଳା ll 

ସାଗରୁ ସମ୍ଭବ ହୋଇଲୁ l

     ବିଷ୍ଣୁଙ୍କୁ ସାଦରେ ବରିଲୁ ll 

ଅଲକ୍ଷ୍ମୀ ତୋହର ଅଗ୍ରଜା l

  ଉଦ୍ଦାଳକଙ୍କ ହେଲେ ଭାର୍ଯ୍ୟା ll 

ନମସ୍ତେ ମାତା ବିଷ୍ଣୁପ୍ରିୟା l

    ସର୍ବ ଜୀବରେ ରଖୁ ଦୟା ll 

ନମସ୍ତେ ମାତ କମଳିନୀ l

     ବୈକୁଣ୍ଠ ପୁର ନିବାସିନୀ ll 

ନମସ୍ତେ ମାତା ମହାମାୟୀ l

      ବିଶ୍ବର ଅନ୍ନଦାତ୍ରୀ ତୁହି ll 

ନମସ୍ତେ ଭୁବନ ପାଳିକେ l

     କମଳୀ କମଳ ମାଳିକେ ll 

ନମସ୍ତେ ନମସ୍ତେ ପଦ୍ମଜା l

    ପିତା ତୋହର ଜଳରାଜା ll 

ଐଶ୍ୱର୍ଯ୍ୟଦାୟୀ ଠାକୁରାଣୀ l

    ତୋତେ ପୂଜନ୍ତି ସର୍ଵପ୍ରାଣୀ ll 

ନମସ୍ତେ ବିଷ୍ଣୁଙ୍କର ବାମା l

   କ୍ଷୀରାବ୍ଧୀ ତନୟା ମା' ରମା ll 

ତୋ ପାଶେ ମାତା ସରସ୍ୱତୀ l

      ବିଷ୍ଣୁଙ୍କୁ ବେଦ ଶୁଣାବନ୍ତି ll 

ବେଦ ତୋ ମହିମା ବର୍ଣ୍ଣନ୍ତି l

  &n

Advertisement

bsp; ଶ୍ରୀସୁକ୍ତେ କରି ତୋର ସ୍ତୁତି ll

ନମସ୍ତେ ଲକ୍ଷ୍ମୀ ସୁରେଶ୍ୱରୀ l

    ଶ୍ରୀପୀଠେ ଅଛୁ ବିଜେକରି ll 

ଭୁଞ୍ଜାଉ ହସ୍ତ ପାକ ଅନ୍ନ l

    ଶ୍ରୀପୀଠ ବୈକୁଣ୍ଠ ସମାନ ll 

ନମସ୍ତେ ଶଙ୍ଖ ଚକ୍ର ହସ୍ତା l

     ଜଗମୋହିନୀ ଜଗନ୍ମାତା ll

ନମସ୍ତେ ସାଗର ତନୁଜା l

     ରଙ୍କକୁ ମାତ କରୁ ରାଜା ll 

ଚଞ୍ଚଳା ଚଞ୍ଚଳ ତୋ ଗତି l

     ଛାଡ଼ିଲେ ପ୍ରାଣୀଙ୍କୁ ଦୁର୍ଗତି ll 

ତୋ ଭକ୍ତ ବଳରାମ ଦାସ l

   ଲୀଳା ତୋ କରିଲେ ପ୍ରକାଶ ll 

ଚାଣ୍ଡାଳୀ ତୋତେ କଲା ପୂଜା l

    ଐଶ୍ୱର୍ଯ୍ୟ ଦେଲୁ ମା' ସିନ୍ଧୂଜା ll 

ନମସ୍ତେ ଶ୍ୱେତ ପଦ୍ମାସନୀ l

      ନମସ୍ତେ ଉଲ୍ଲୁକ ବାହନୀ ll 

ନମସ୍ତେ ମାତା ବିଶ୍ଵଧାତ୍ରୀ l

   ଘେନ ମୋ ପ୍ରଭାତୀ ଆରତୀ ll 

        🙏🙏🙏

          ଅର୍ଜୁନୀ 

      ----------------

ଅର୍ଜୁନୀ ଚରଣ ବେହେରା

ମୋ - ୭୬୯୩୦୯୧୯୭୧