ଉତ୍କଳ ଭାରତୀ କୁନ୍ତଳା କୁମାରୀ

ଧନ୍ୟ ଧନ୍ୟ ତୁମେ ଧନ୍ୟ କବୟିତ୍ରୀ l

   କୁନ୍ତଳା କୁମାରୀ ଉତ୍କଳ ଭାରତୀ ll 

ଉତ୍କଳ ସାହିତ୍ୟ କାନନ କୋକିଳା l 

   କଣ୍ୱଙ୍କର କନ୍ୟା କିବା ଶକୁନ୍ତଳା ll 

ସାହିତ୍ୟ ସୃଜିଲ ଅତି ମନୋହର l

   ସରଳ, ତରଳ, ସୁନ୍ଦରେ ସୁନ୍ଦର ll 

କବିତା ରଚିଲ ଶେଫାଳିକା ପ୍ରତି l

    ଅମୀୟ ଅମୃତ ପ୍ରେମମୟ ସୃଷ୍ଟି ll 

ଛୋଟର ଆଦର କରିଥାଏ ଛୋଟ l

   ପୂର୍ଣ୍ଣ ଚନ୍ଦ୍ର ପ୍ରାୟେ ଅତୀବ ଉତ୍କୃଷ୍ଠ ll 

ବଢ଼ି ବଢ଼ି ଆଉ ନ ପାରିବି ବଢ଼ି l

  ଫୁଟିଲା ଫୁଲ କି ଫୁଟେ ଫୁଲକଢ଼ି

Advertisement

ll 

ଶେଫାଳିକି କହି କ୍ଷଣିକ ତୋ ପରି l

   ଅକାଳେ ମଉଳି ପଡ଼ିଲ କି ଝରି ll 

କ୍ଷଣପ୍ରଭା ତୁମ୍ଭେ ଉତ୍କଳ ଆକାଶେ l

  ପ୍ରଭାମୟୀ ପ୍ରଭା ଆଜି ବି ପ୍ରକାଶେ ll 

ଭାଷା ସାହିତ୍ୟକୁ ଅଟେ ତୁମ୍ଭ ଦାନ l

    ମହତେ ମହତ ମହା ମହିୟାନ ll 

ଭକ୍ତିଛନ୍ଦେ ଛନ୍ଦା ଶିଶୁଗେୟ ଗୀତି l

  ଯଥାର୍ଥରେ ତୁମେ ଉତ୍କଳଭାରତୀ ll 

ଉତ୍କଳ ଭାରତୀ କୁନ୍ତଳା କୁମାରୀ l

  ସାବତ କେ ହେବ ଆଉ ତୁମ୍ଭ ପରି ll 

ଉତ୍କଳୀୟେ ସଦା ରଖିଥିବେ ମନେ l

 ଉତ୍କଳୀୟ ଭାଷା ସାହିତ୍ୟ କାନନେ ll