ଜୟ ମାରୁତି

ଜୟ ମାରୁତି ଚଞ୍ଚଳ ମତି 

  ଚଞ୍ଚଳେ ଉଡ଼ିଗଲ l

ଗନ୍ଧ ମାର୍ଦ୍ଦନ ଉପାଡ଼ି ଆଣି 

  ଲକ୍ଷ୍ମଣେ ଜିଆଇଲ ll 

ଅଞ୍ଜନା ସୂତ ବାୟୂଙ୍କ ପୁତ୍ର 

  ତୁମେ ତ ମହାବୀର l

ପବନବେଗେ ଆକାଶେ ଉଡ଼ି 

  ହୋଇଲ ସିନ୍ଧୁ ପାର ll 

ଅଶୋକ ବନ ଉଜାଡ଼ି ଦେଲ 

   ଉପାଡ଼ି ବୃକ୍ଷ ଲତା l

ମୁଦ୍ରିକା ଦେଇ ହରିଲ ଶୋକ 

  ଅଶୋକବନେ ସୀତା ll

ରାକ୍ଷସ ପୂରେ କିଏ ନ ଡରେ 

    ତୁମରି ପରି ଏକା l

କୁଦାକୁ କୁଦା ମାରିଲ ଯୋଦ୍ଧା 

   ଜଳିଲା ସ୍ଵର୍ଣ୍ଣଲଙ୍କା ll 

ସେବକ ପଣେ ତୁମେତ ଜଣେ 

   ଆଉ ଅଛିକି କେହି l

ପ୍ରଭୁ ଶ୍ରୀରାମ କହିଲେ ତୁମେ 

   ଭରତସମ ଭାଇ ll 

ସନ୍ଥ ତୁଳସୀ କହିଲେ ହସି 

   ଅ

Advertisement

ତୁଳ ବଳ ଧାମା l

ଅତି ଚତୁର ଶ୍ରୀରାମ କାର୍ଯ୍ୟେ 

  ପବନ ସୂତ ନାମା ll 

ସଙ୍କଟ ହର ନାମେ ତୁମର 

  କଟଇ କାଳ ଭୟ l

ଭୂତ ପିଶାଚେ ପଳାନ୍ତି ଦୂରେ 

  ଶ୍ରୀରାମ ଦୂତ ଜୟ ll 

ରାମ ସୁଗ୍ରୀବେ ମଇତ୍ର କଲ 

  ଜଳାଇ ବୈଶ୍ୱାନର l

ହେ ଚିରଞ୍ଜିବୀ ଥିଲ ପା ଲଭି 

   ଶ୍ରୀରାମଙ୍କର ବର ll

ଲଙ୍କାରେ ପଶି ଗଡ଼ାଇ ଦେଲ 

 ଅସୁର ଗୋଟା ଗୋଟା l

ଜାନକୀ ବରେ ଆଠୋଟି ସିଦ୍ଧି 

  ନଅ ନିଧିକେ ଦାତା ll

ଭାରତ ଯୁଦ୍ଧେ ତୁମେ ପା ଥିଲ 

  ନନ୍ଦିଘୋଷରେ ବସି l

କପି କେତନ ଗାଏ ସଂସାର 

  ତୁମରି ନାମ ଘୋଷି ll 

ଚାରି ଯୁଗରେ ଅମର ତୁମେ 

   ସକଳ ସିଦ୍ଧି ଦାତା l

ତୁମ ପୟରେ ପ୍ରଣତି ଢାଳେ 

   ଅରପି ସବୁ ଚିନ୍ତା ll