ଧନ୍ୟ ଧନ୍ୟ ତୀର୍ଥ ତୁହି ଚନ୍ଦ୍ରଭାଗା

ଧନ୍ୟ ଧନ୍ୟ ତୀର୍ଥ ତୁହି ଚନ୍ଦ୍ରଭାଗା l

  ଯାଇ ପାରିଲିନି ଏଡ଼େ ମୁଁ ଅଭାଗା ll 

ଭାଗ୍ୟଥିଲେ ଥାଇ ମହୋଦଧିସ୍ନାନ l

   ପ୍ରାତଃକାଳେ ପୁଣି ସବିତା ଦର୍ଶନ ll 

ଉଇଁ ଆସୁ ଥିବେ ମହୋଦଧି ଚିରି l

  ପ୍ରଭାତୀ ବିନ୍ଦିକା ପ୍ରଦୋଷ ସୁନ୍ଦରୀ ll

ରାବୁ ଥିବେ କାକ, କୁମ୍ଭାଟ, କରଟ l

   ଭକ୍ତଗଣ ସ୍ନାନ ହୋଇ ସମବେତ ll 

ସଙ୍ଗେ ମିଳି ପୁଣ୍ୟ ଅମୃତ ସ୍ନାହାନ l

  ଆହା ନାହିଁ ମୁହିଁ ଅତି ଭାଗ୍ୟହୀନ ll 

ଶୁଣିଅଛି ଯାହା ବର୍ଣ୍ଣିତ ପୁରାଣେ l

  ଅଭିଶାପେ କୃଷ୍ଣ ପୁତ୍ର ଶାମ୍ୱ ଦିନେ ll 

ସୂର୍ଯ୍ୟଙ୍କୁ ପୂଜିଲେ ଆସି ଏହି ତୀର୍ଥ l

  ତହୁଁ ହେଲେ କୁଷ

Advertisement

୍ଠ ବ୍ୟାଧିରୁ ମୁକତ ll 

ସାକ୍ଷୀ ରହିଛନ୍ତି ଦେବ ଦେବ ଅର୍କ l

  ସିନ୍ଧୁକୂଳେ ଉଭା ସୁନ୍ଦର କୋଣାର୍କ ll

ସାକ୍ଷୀ ଛନ୍ତି ପୁଣି, ମାଆ ରାମଚଣ୍ଡୀ l

   କଳା ପାହାଡ଼କୁ ଦେଇଥିଲେ ଭଣ୍ଡି ll 

ଶୁଣିଛି ମୁଁ କର୍ଣ୍ଣେ ସାତ ଥର ଗଙ୍ଗା l

   ଥରେମାତ୍ର ସ୍ନାନ ତୀର୍ଥ ଚନ୍ଦ୍ରଭାଗା ll 

ଧନ୍ୟ ପୁଣ୍ୟ ତୀର୍ଥ ଚନ୍ଦ୍ରଭାଗା ତୁହି l

   ଧନ୍ୟକଲୁ ଏ ଉତ୍କଳ ପୁଣ୍ୟ ଭୂଇଁ ll 

ଯହିଁ ମିଳିଛନ୍ତି ପୂଣ୍ୟତୋୟା ପ୍ରାଚୀ l 

  ନମଃ ନମଃ ଦେବ ଭାସ୍କର ବିରଞ୍ଚି ll 

ମାଘ ସପ୍ତମୀ ଏ ପୂଣ୍ୟମୟୀ ସ୍ନାନ l

  ନମୋ ନମଃ ପ୍ରଭୁ ଦେବ ବିବସ୍ୱାନ ll