ନିମନ୍ତ୍ରଣ
ନିମନ୍ତ୍ରଣ
ଦୋଳିରେ ଦୋଳ ଗୋବିନ୍ଦ ଆସି
ସଭିଙ୍କୁ ବାରତା ଦେଲେ ।
ନୂଆ ପାଞ୍ଜି ପଢ଼ାହେବ
ଫଗୁ ଖେଳ ହେବ
ଏହି ଦୋଳ ପୂର୍ଣ୍ଣିମାରେ ।।
ବରଷର କଥା ପଣ୍ଡିତେ ପଢିବେ
ଶୁଣିବ କାନକୁ ଡେରି ।
ସେଠି ସଭିଏଁ ଏକତ୍ର
ମଣ୍ଡପେ ବସିବା
କାଳ ବିଳମ୍ବ ନ କରି ।।
କାର୍ଯ୍ୟ ସୂଚୀ,
ଜୀବନ ରଙ୍ଗକୁ ରଙ୍ଗମଞ୍ଚେ ଥୋଇ
କରିବା ନିଖୁଣ ଅଭିନୟ ।
ଭାବ ଦିଆନିଆ ବନ୍ଧନକୁ ଭିଡି
ନ ଲୋଡିବା କଷ୍ଟ ଦୁଃଖ ଭୟ ।
ସମୟ ସାଥିରେ ଯୋଡି
କରି ଉପଯୋଗ ବିଦ୍ୟା ବଳ ବୁଦ୍ଧି
କୃଷ୍ଣ ଠୁ ସୁନ୍ଦର ଶକତି ଲୋଡି
ଆମେରେ ସକଳେ
ଲେଉଟା ପାଞ୍ଜିର ପିଢ଼ି ।।