Library
Profile
ନୀଳ ସମ୍ମୋହନ
ନୀଳ ସମ୍ମୋହନ
ଆକାଶର ନୀଳ ସମୁଦ୍ରର ଜଳ
ଆଣେ ନୀଳ ସମ୍ମୋହନ
ନୀଳ ନୀଳିମା ଠାଣିରେ କଲାକାହ୍ନୁ
ବଇଁଶୀର ନୀଳ ସ୍ଵନ
ଶୁଣି ଗୋପନାରୀ ହେଉଥିଲେ ବାଇ
ଶୁଆ ଶାରୀ ପରି ଉଛର୍ଣ୍ଣ
ନୀଳ କାନ୍ତି ଭରି ଯମୁନାର ତରୀ
ଶୁଣି ନୀଳ ସମ୍ବେଦନ
ଥରି ଉଠି ଉର୍ମିମାଳା ପରି ବୁକୁ ଚିରି
ଦେଖେ ନୀଳମଣି ଶ୍ୟାମଘନ
ନୀଳ ଆଶା ସବୁ ଗୋପୀଙ୍କ ପୁରଣ
ନୀଳମଣି ଆହେ ଘେନ
ରାଇ ରାଇ ଡାକି ନୀଳ ବଇଁଶୀଟି
ସାର୍ଥକ କରେ ତା ଜନ୍ମ
ନୀଳ ଜଳ ମଧ୍ୟେ ଦେଖନ୍ତି ରାଧିକା&nbs
p;
ସତେ ଅବା କାହ୍ନା ଜହ୍ନ
ମନ ଚୋରୀ କରି ଲଗାଇ ହୁନ୍ଦର
ପୋଡ଼ିଯାଏ ସେ କଦମ୍ବ ବନ
ବଇଁଶୀ ବାଜିଲେ ନୀଳ ସମ୍ମୋହନେ
ରାଧିକା ଡାକନ୍ତି କାହିଁ ଗଲ ଶ୍ୟାମଘନ
ତୁମ ପାଇଁ ଆଜି ଏ ନୀଳ କାନନେ
ଉଠେ କମ୍ପନ ଘନ ଘନ
ଲଳିତା ବିଶାଖା ନୀଳ କୁଞ୍ଜେ ଗୁନ୍ଥେ
ନୀଳ ପାରିଜାତ ଆସମାନ
ନୀଳ ଗଭା ନେଇ ଆଭା ବୋଳି ଦେଇ
ନୀଳ ଆକାଶରେ ଘନ
ସବୁ ଏଠି ନୀଳ ନୀଳମଣି ଲାଗି
ଯଶୋଦା ମାଆଙ୍କ ମନ
ଲାଗୁନାହିଁ ଆଉ କୋଉ ନୀଳ ସମ୍ମୋହନ
ଯେଦିନୁ ଗଲାଣି ମଥୁରାକୁ ଶ୍ୟାମଘନ ।
