ନାଥ ଥାଉଥାଉଅନାଥ ଦୁନିଆ

   

   କେତେଦିନ ମନା ଦେଉଳ ଦୁଆର

   କୁହ ଆହେ ଚକାଆଖି

   ଧୂପ ଅବକାଶ ନିତି ନୂଆ ବେଶ

   ଭକତ ପାରୁନି ଦେଖି

  କେତଦିନ ଆଉ ରହିବ ଏମିତି

  ଆପଣା ଲୋକଙ୍କୁ ଠକି

   କୁହ ଆହେ ଚକାଆଖି...

   ବାଇଶି ପାହାଚେ ନାହିଁତ ଗହଳୀ

   ସି°ହଦ୍ବାର ଖାଲିଖାଲି

   ଅରୁଣ ସ୍ତମ୍ଭକୁ ଛୁଇଁ ହେଉନାହିଁ

   ଦୀପ ବି ପାରୁନୁ ଜାଳି

   ଗୁମୁଟ ଭିତରେ ପତିତ ପାବନ

   ଭଲରେ ହେଉନି ଦେଖି

   କାହିଁକି ହେ ଚକା ଆଖି...

<

Advertisement

p>

   ଚାପ ଖେଳିବାକୁ ଗଲ ନାହିଁ ତୁମେ

   ନରେନ୍ଦ୍ର ରହିଲା ଚାହିଁ

   ସ୍ନାହାନ କରିଲ ସ୍ନାହାନ ବେଦୀ ରେ

   ନଥିଲେ ଭକତ କେହି

   ରଥକୁ ତୁମର ସେବକ ଟାଣିଲେ

   ଦୁନିଆ କୁ ଦେଲ ଠକି

   କୁହ ଆହେ ଚକାଆଖି ...

   

  କାଳ କବଳରୁ ମୁକୁଳିବା ବାଟ

 ଦେଖାଅ ହେ ମହାକାଳ

  କାଳର କୋପରେ କେତେଯେ ଜୀବନ

  ଅକାଳେ ହେଉଛି କାଳ

  ନାଥ ଥାଉଥାଉ ଅନାଥ ଦୁନିଆ

  କାଳ ତରାଟୁଛି ଆଖି

  ଦେଖ ଆହେ ଚକାଆଖି...