ନାରୀ

ନାରୀ ସିଏ ନାରୀ

ଯାହା ପାଇଁ ଏହି ସୁନ୍ଦର ଦୁନିଆ

ମମତାରେ ଯାଏ ଭରି

ନାରାୟଣୀ ସେତ ଶକତି ରୂପିଣୀ

ଅସୀମ କରୁଣା ବାରି

ନାରୀ ସେ ନାରୀ ll

ସୃଷ୍ଟି କରିଣୀ ବିଶ୍ବ ମୋହିନୀ

ଜନନୀ ଭଗିନୀ ଜାୟା

ପ୍ରେମ ତରଙ୍ଗିଣୀ ପ୍ରିତି ନୀର୍ଝରିଣୀ

କ୍ଷମା ପୁଣି ସେତ ଦୟା

ପରଷରେ ତାର ପୁଲକିତ ଧରା 

ଶରଧା ପଡଇ ଝରି

ନାରୀ ସେ ନାରୀ ll

ପ୍ରେରଣା ଦାୟିନୀ ସ୍ନେହ ପ୍ରଦାୟିନୀ

ଦରଦୀ ହୃଦୟ ଟିଏ

ମଳୟର ସେତ ମଧୁର ମୂର୍ଛନା

ଅମୃତ ର ଶ୍ରୋତ ସିଏ

ନୀରବରେ ସିଏ ସବୁ ସହିପାରେ

ଅରୀ ଟାଣ ପାରେ ଚୁରି

ନାରୀ ସିଏ ନାରୀ ll

ତା ସାଥିରେ ସାଥୀ ବାଦ କଲେ ଏଣେ

ବଳେଇ ପଡେରେ ଦୁଃଖ

ଅଧା ବାଟେରଥ ଅଟକି ଯାଏରେ 

ଚାଲେ ନାହିଁ ଅଖ ଚକ 

ପରଷରେ ତାର ହସେ ମରୁଭୂମି 

ସବୁଜିମା ଯାଏ ଭରି

ନାରୀ ସେ ନାରୀ ll