Library
ମୁଁ ଯଦି ରାକ୍ଷସ ସାଜେ
ମୁଁ ଯଦି ରାକ୍ଷସ ସାଜେ
ମୁଁ ଯଦି ରାକ୍ଷସ ସାଜେ
କେହି ଦୁଃଖ କରିବନି
କେହି ଭୟ କରିବନି
କେହି ଦୟା କରିବନି
ମୁଁ ରାକ୍ଷସ ସାଜିଲେ
ମାରିବି କେବଳ ନିଜକୁ
ରକ୍ତାକ୍ତ କରିବି ନିଜକୁ
ଯନ୍ତ୍ରଣା ଦେବି ନିଜକୁ,
ମୁଁ ଯଦି ରାକ୍ଷସ ସାଜେ
କେହି ଅବଶୋଷ କରିବନି
କେହି କ୍ଷମା କରିବନି
କେହି ସୁଖୀ ହେବନି
କେହି ଦୟା କରିବନି
ମୁଁ ରାକ୍ଷସ ସାଜିଲେ
ଯୁଦ୍ଧ କରିବି ନିଜସହ
ଲଢିବି କେବଳ ନିଜସହ
ଆକ୍ରମଣ କରିବି ନିଜକୁ,
ମୁଁ ଯଦି ରାକ୍ଷସ ସାଜେ
କେହି ଭୁଲ୍ ବୁଝିବନି
କେହି ଠିକ୍ ବୁଝିବନି
କେହି ପ୍ରଶଂସା କରିବନି
କେହି ନିନ୍ଦା କରିବନି
ମୁଁ ରାକ୍ଷସ ସାଜିଲେ
କେବଳ ନିଜକୁ ଜାଳିବି
କେବଳ ନିଜକୁ ହରାଇବି
ନିଜକୁ ସମାପ୍ତ କରିବି,
ମୁଁ ଯଦି ରାକ୍ଷସ ସାଜେ
ତିଳେମାତ୍ର ଚିନ୍ତା କରିବନି
କାହା ମନ ହେବନି ଆହତ
କା' ଶରୀରେ ଦେବିନି ଆଘାତ
କା' ରକ୍ତରେ ଖେଳିବିନି ହୋଲି
କା' ଆଖିରେ ଦେବିନି ଲୁହ
କା' ଛାତିରେ ଦେବିନି କୋହ
ମୁଁ ରାକ୍ଷସ ସାଜିଲେ
କେବଳ ନିଜେ ଲୁହେ ଗାଧୋଇବି
ନିଜ କୋହରେ ନିଜକୁ ଭସାଇବି
ନିଜକୁ ପାଉଁଶ କରିବି,
ମୁଁ ଯଦି ରାକ୍ଷସ ସାଜେ
କାହାକୁ ହାଣିବିନି
କାହାର ସାଜିବିନି ଅପହର୍ତ୍ତା
କାହାର ରକ୍ତ ଶୋଷିବିନି
ମୁଁ ରାକ୍ଷସ ସାଜିଲେ
କେବଳ ନିଜକୁ ଖାଇବି
ନିଜ ଦେହ ରକ୍ତ ନିଜେ ପିଇବି
ହାଣିବି ନିଜେ ନିଜକୁ
ନିଜର ଧାରୁଆ ଅସ୍ତ୍ରରେ
ନିଜକୁ ନିଜେ ବଦ୍ଧ କରିବି।।
