ଲାଇବ୍ରେରୀ
ପ୍ରୋଫାଇଲ୍
ମୁଁ ଖୋଜୁଛି ଆଜି ମୋ ନିଜ ଠିକଣା
ମୁଁ ଖୋଜୁଛି ଆଜି ମୋ ନିଜ ଠିକଣା
1 min
198
ମୁଁ ଖୋଜୁଛି ଆଜି ମୋ ନିଜ ଠିକଣା
ନିଜ ଚାରିପାଖେ ଘୁରି
ଜାଣିଜାଣି ଆଜି ବାଟବଣା ମୁଁ ଯେ
ନିଜେ ନିଜପାଖେ ହାରି
ପାପ ପୂଣ୍ୟର ହିସାବ ଖୋଜି ମୁଁ
ପାଦ ହୋଇଯାଏ ଭାରି
ନିଜେ ନିଜ ପାଖେ ହାରି....।
ସବୁ ଥାଇ ମୋର କିଛି ନାହିଁ ଆଜି
ନାହିଁ ନାହିଁ ସାଥେ ଖେଳେ
ବାଦକରେ ମୋତେ ଅବସାଦ ନିତି
ଛଳନାର ନଈ କୂଳେ
ଜିତିବାକୁ ମୋତେ ଡରଲାଗେ ଏବେ
ସମୟକୁ ଡରି ଡରି
ପାଦ ହୋଇଯାଏ ଭାରି ..।
ଲୁହ ପିଇବାକୁ ଇଚ୍ଛା ହୁଏ ଭାରି
ଆଖିତ ଯାଇଛି ଶୁଖି
ଅଯାଗା ଘାଆର ଅସହ୍ୟ ଯାତନା,
ଘାଆକୁ ପାରୁନି ଦେଖି
ମରିବା ଆଗରୁ ମରୁଛି ନିଇତି
ଅତୀତ କୁ ଝୁରିଝୁରି
ନିଜେ ନିଜ ପାଖେ ହାରି...।
ପଳାଶକୁ ଦେଖି ହସେ ଇତିହାସ
କର୍ପୂର ଖୋଜଇ କନା
ରଙ୍ଗ ଝାଡିଝାଡି ରଙ୍ଗଯାଏ ଉଡି
ଥକ୍କିଯାଏ ମନ ଡେଣା
କହିବାର କଥା କହିବା ବେଳକୁ
ବେଳ ଯାଉଅଛି ସରି
ପାଦ ହୋଇଯାଏ ଭାରି...।
