ମୁଁ କେବଳ ତମକୁ ଚାହେଁ

ମୋତେ ଡ଼ର ଲାଗେ ଯେବେ ସେ, 

ଧୋକାବାଜ୍ ମୌସମୀ ଟି ତୁମ ଗାଁ 

ଦେଇ ଯାଏ,କାଳେ ତା ଶୀତଳ ଛୁଆଁ 

ଦେଇ ତୁମକୁ ନିଜର କରିନେବ l

ମୋତେ ଡ଼ର ଲାଗେ ଯେବେ ସେ,

ଇନ୍ଦ୍ରଧନୁ ଟି ତୁମ ଛାତ ଦେଇ ଖେଳି 

ଯାଏ, କାଳେ ତା ସପ୍ତ  ରଙ୍ଗରେ 

ରଙ୍ଗେଇ ତୁମକୁ ନିଜର କରିନେବ l

ମୋତେ ଡ଼ର ଲାଗେ ଯେବେ ସେ,

ଦୁଷ୍ଟ ବର୍ଷା ଟି ତୁମ କଲେଜ ଛକରେ 

ଝିପି ଝିପି ବରଷେ, କାଳେ ତମୁକୁ 

ଓଦା କରି ସେ ନିଜର କରିନେବ  l

ମୋତେ ଡ଼ର ଲାଗେ ଯେବେ ସେ,

ଅମାନିଆ ପବନ ଟା ଜୋର କରି 

ବସ୍ ଝରକା ଫାଙ୍କ ରେ ବହି ଯାଏ,

କାଳେ ତମ କେସ କୁ ଓଲରା କରି 

ତା ସ୍ପର୍ଶ ରେ ତୁମକୁ ନିଜର କରିନେବ l

ମୋତେ ଡ଼ର ଲାଗେ ଯେବେ ସେ,

ହଳଦୀ ବସନ୍ତ ଟି ତୁମ ଦାଣ୍ଡ ପଟ

ବାଡ଼ ରେ ବସି ବୋବାଏ, କାଳେ ଶୁଭ

ବାରତା ଦେଇ ତୁମକୁ ନିଜର କରିନେବ l

ହଁ ମୋତେ ଡ଼ର ଲାଗେ କାହିଁକି ନା

ମୁଁ କେବେଳ ତମକୁ ଚାହେଁ..!