ମୁଁ କାହିଁ

ହେ ମୋ ଜୀବନ ର ସହାନାଇ!

ବାଜିବା ଆଗରୁ ଖୋଜିନିଅ ଥରେ,

ମୁଁ କାହିଁ, ମୁଁ କାହିଁ ?

ଆଜି ଏଠି ଅଧବାଟେ,

ବୟସ ର ବର୍ଷା ବସନ୍ତ ବୈଶାଖ,

ଦୁଃଖ ରେ ଦୁଃଖରେ କଟେ।।

ସମୟର ମଧୁରାତି,

ଏଇଠି ଏକାଠି ଦେହ ଦେହାନ୍ତର,

ମନ ସାଜେ କିମ୍ବଦନ୍ତୀ ।

ସ୍ୱପ୍ନ ର ସଂକେତ ନେଇ,

କୋଇଲି କୁହାଟେ କୁଆଁରୀ କୁଞ୍ଜରେ,

ଅଦୃଶ୍ୟ ଅତିଥି ହୋଇ ।

ହେ ମୋ ଜୀବନ ର ନୀଳରାତି!

ଶବ୍ଦ ରେ ସଜାଇ ଦିଅ ମୋତେ ଆଜି,

କବିତା ମୋ ଉଠୁ ଜୀଇଁ।

ବାଜୀଉଠ ସାହାନାଇ

ମୋ ଜୀବନ ମହାନଦୀ ମୋଡ଼ ଡେଇଁ

ଖୋଜ ଅଛି ମୁଁ କାହିଁ?