ଲାଇବ୍ରେରୀ
ପ୍ରୋଫାଇଲ୍
ମୋକ୍ଷ
ମୋକ୍ଷ
1 min
278
ପାର୍ଥିବ ସମ୍ପର୍କର ଅଲିଭା ଜୁଇରେ
ଦିବସର ପ୍ରତି ମୁହୂର୍ତ୍ତରେ
ନିଜ ଜୀବନ୍ତ ସତ୍ତାର ଦାହ ପରେ ବି
ଯେବେ ପ୍ରଶ୍ନ ଆସେ
"କଣ କରିଛ ବା ତୁମେ ଆମ ପାଇଁ ?"
ଅନୁଭୂତ ହୁଏ ଅସହ୍ୟ ପୀଡା
ନିଜ ଭାବନାରେ ବି ସନ୍ଦେହ ଆସେ
"ସତରେ କଣ ମୁଁ କିଛି କରିନି !"
ଉଷ୍ମ ନିଃଶ୍ୱାସଟା ଧିରେ ଧିରେ
ଅଗ୍ନିଶିଖା ପାଲଟିଯାଏ
ନା ଜାଳି ହୁଏ ନା ଜଳି ହୁଏ,
ଶରୀରର ପାର୍ଥିବତା
ବାସ୍ ଦରପୋଡା ହେଇ ରହିଯାଏ
ଏବଂ ଆତ୍ମା ପ୍ରତୀକ୍ଷା କରେ
ସେ ସର୍ବଗ୍ରାସୀ ଅନଳକୁ,
ଟିକେ ମୋକ୍ଷ ପାଇବା ଆଶାରେ ।
