ଲାଇବ୍ରେରୀ
ପ୍ରୋଫାଇଲ୍
ଅନୁମତି
ଅନୁମତି
1 min
85
ତତେ ଅନୁମତି ନାହିଁ
ନେବାକୁ ମତେ ତୋ ସହ
ଅଜଣା ଏକ ସ୍ଥାନକୁ
ଦୂର ଏକ ରାଜ୍ୟକୁ
ତୁ ଯେ ପ୍ରବାସୀ ପବନ
ହେଲେ ବାଲୁକାପୂର୍ଣ୍ଣ
ଶୁଷ୍କ ମରୁଭୂମିରେ
ଯେବେ ସ୍ପର୍ଶ କରୁ ତୁ
ମୋ ନିସ୍ତେଜ ଶରୀର
ଭୁଲିଯାଏ ମୁଁ ନିଜ ସତ୍ତା
ହରାଇଦିଏ ନିଜ ଅସ୍ତିତ୍ୱ,
ତୋ ପ୍ରେମରେ ପାଗଳୀ ପାଲଟି
ତଲ୍ଲୀନ ହେବାକୁ ପ୍ରୟାସ କରେ
ତୋ ହୃଦୟର
ଏକାନ୍ତ ଏକ କୋଣରେ
ତୋ ଦେଶାନ୍ତରୀ ଆତ୍ମାରେ
ଶେଷରେ ଯେବେ
ମିଶିଯାଏ ତୋ ସହ
କେଜାଣି କାହିଁକି
ନୂତନ ଏକ ନାମ ହେଇଯାଏ
ଆମ ଅନ୍ତରଙ୍ଗତାର
"ବାଲିଝଡ଼"
