ମୋବାଇଲ୍ ଯୁଗ

ଆସି ଅଛି ଏବେ ମୋବାଇଲ ଯୁଗ

ବିଜ୍ଞାନର ବର ଦାନ

ପିଲା ଠାରୁ ବୁଢ଼ା କି ଗରୀବ ଧନୀ

ସଭିଏଁ ତାର ଅଧୀନ ।

ଦିନ ରାତି ସବୁ ସମୟରେ ପାଖେ

ପାଖେ ରହି ଥାଏ ଯାହା

ମୁହୂର୍ତ୍ତେ ମାତର ତାକୁ ନ ଦେଖିଲେ

ମନ ହୁଏ ଆକା ପାକା ।

ଅନୁଭୁତ ହୁଏ ସତେ କି ନିଜର

ଜୀବନ ଟି ତହିଁ ବନ୍ଧା

ମୋ ବାଇଲ୍ ଚିପା କାମରେ ସଭିଏଁ

ଭୁଲି ଯାନ୍ତି କାମ ଧନ୍ଦା ।

ଗୋରୁ ଗାଈ ବିକି ଆଣନ୍ତି ତା କିଣି

ଜମିକୁ ପକାନ୍ତି ବନ୍ଧା

ପାଗଳ ହୋଇଣ ତାହାରି ପ୍ରେମରେ

କରନ୍ତି ଅତି ଶରଧା ।

ଘର ଡିହ କେତେ ବନ୍ଧା ପକାଅନ୍ତି

ବିକି ଦ୍ୟନ୍ତି ସୁନା ରୂପା

ମୋବାଇଲ ମୋହେ ମନ ନିତି ଦହେ

ଲଭିବା ପାଇଁ ତା କୃପା ।

କେତେ ଯେ ଅନୀତି ବଢ଼ଇ ଦୁର୍ନୀତି

ସେଇ ମୋ ବାଇଲ ଯୋଗୁଁ

ଅନେକ ଅନେକ ପ୍ରକାରରେ ଲୋକ

ଉପକୃତ ତାହା ହେତୁ ।

ସେଇ ମୋବାଇଲେ ହେଉ ଅଛି ଇଲେ

ବେପାର ବଣିଜ ସବୁ

ଯେତେ ବଡ ବ୍ୟକ୍ତି ହେଉନା କାହିଁକି

କରେ ସେ ସଭିଙ୍କୁ କାବୁ ।

ଗେମ୍ ଖେଳିବାରେ ଭିଡିଓ ଦେଖାରେ

ଶିଶୁ ଏ ତହିଁରେ ବ୍ୟସ୍ତ

ବାବା ମାତା ଚେଲା ଚେଲିଆଣି କରେ

ଧରି ମଉଜରେ ମସ୍ତ ।

ବିଶ୍ବର ଯେତେକ  ଅଶ୍ଳୀଳ ରୋଚକ

ଜ୍ଞାନ ବିଜ୍ଞାନ ଭଣ୍ଡାର

ପରିପୂର୍ଣ୍ଣ ତହିଁ ମନ ପ୍ରାଣ ମୋହି

ନିଏ ନିତି ମୋବାଇଲ ।

ଲକ୍ଷ ଲକ୍ଷ ଆପ ବାହାରି ତହିଁରେ

ହୁଅଇ ଡାଉନ୍ ଲୋଡ

ଲକ୍ଷ ଲକ୍ଷ ଖେଳ ସିନେମା ପିକଚର

ତାହାରି ଭିତରେ ଭିଡ ।

କେମେରା ଧରିକେ ସେଲିଫି ଉଠାଏ

କେ କରେ ଡାଉନ୍ ଲୋଡ

ହିସାବ କିତାବ ଦୁନିଆଁ ଖବର

ସବୁ ତହିଁ ଭର୍ ପୁର ।

ମୋ ବାଇଲେ ଇଲେ ପିଲା ଏ ପଢ଼ିଲେ

ଇସ୍କୁଲ କଲେଜ ପାଠ

ପାଠ ବାହାନାରେ ଲୁଚି ବସି ଦୂରେ

ଦେଖିଲେ ଲଙ୍ଗୁଳୀ ନାଟ ।

ପଢା ଲେଖା ପାଠ , ଟ୍ରେନିଙ୍ଗ , ମିଟିଙ୍ଗୀ

ହୁଏ ଇଲେ ମୋବାଇଲେ

କେଲେଣ୍ଡର ଠାରୁ କଲିଙ୍ଗି ଚାଟିଙ୍ଗି

ଦିଆ ନିଆ ସବୁ ବେଳେ ।

କେ ଶୁଣଇ ତହିଁ ଗୀତ , କେ ଦେଖଇ

ଭିଡିଓ ଯାତରା ଲୀଳା

ଅନ୍ତର ଜାଲରେ ଗୁପ୍ତ ଉପାୟରେ

ଦୂରରୁ ଦିଏ କେ କିଳା ।

ଫେମାଜ କବିତା କେ ଶୁଣେ ତହିଁରେ

ଏଫ୍ ଏ ମ ଶୁଣଇ କିଏ

ଯାତରା ସିନେମା ଦେଖା ଏବେ ସବୁ

ସେଇ ମୋ ବାଇଲେ ହୁଏ ।

ବ୍ୟାଙ୍କ କାମ ଯେତେ ବୀମା ଓ ବଚତ

ସୁନା ରୂପା କିଣା କିଣି

ଚାଟିଙ୍ଗି ଚିଟିଙ୍ଗି କଲିଙ୍ଗୀ ଡେଟିଙ୍ଗୀ

ଟ୍ରେଡିଙ୍ଗି ରିଡ଼ିଙ୍ଗି ପୁଣି ।

ୱାଟଆପରେ ଜନେ ମେସେଜ ପଠାନ୍ତି

କରନ୍ତି ଭିଡିଓ କଲ

ଫେସ୍ ବୁକୁ ରେ ଯେ ଲାଇକିଙ୍ଗି କରନ୍ତି

ଲେଖନ୍ତି ଚାଟ କମେଣ୍ଟ ।

ଇଉଟୁବୁରେ ଯେ ଫିଲିମି ଦେଖନ୍ତି

ପାଠ ପଢା ଯେତେ କାମ

ସବୁ ବେଳେ ଧରି ଇଉ ଟୁବୁ ଖୋଲି

ବଢେ ମୋ ବାଇଲି ପ୍ରେମ ।

ପ୍ରେମିକ ପ୍ରେମିକା ଚାଟିଙ୍ଗି ମିଟିଂଗି

ହୁଏ ଏହି ମୋବାଇଲେ

ଡେଟିଙ୍ଗି , ସେଟିଙ୍ଗି ଡ୍ରଇଇଙ୍ଗି ଷ୍ଟିଲିଙ୍ଗି

କାମ ତହିଁ ନିତି ଚାଲେ ।

ଚିକିତ୍ସା କରନ୍ତି ସେଇ ମୋବାଇଲେ

ଲେଖି ଥାନ୍ତି ଦରଖାସ୍ତ

ତାହାକୁ ଧରି କି ଛୁଆ , ଠୁ ସଭିଏଁ

ରହୁ ଛନ୍ତି ନିତି ବ୍ୟସ୍ତ ।

କାନ ରେ ଲଗାଇ ଚଳାଅନ୍ତି ଗାଡ଼ି

କିଏ ଟିକ ଟକ କରେ

ତାହାରି ପାଇଁକି ଲାଭ ବାନ ହେଲେ

ଠକ ଦଲାଲ ଓ ଚୋରେ ।

ଥଟା ମଜା ଅବା ବର କନ୍ୟା ଖୋଜା

ହୁଏ ସେହି ମୋ ବାଇଲେ 

ବିଭା ଘର ମଧ୍ଯ ହୋଇ ସାରି ଲାଣି

ଭର୍ଚୁଆଲି ଏଇ କାଳେ ।

ନିଉଜୁ ଫିଉଜୁ ମାନ ପତ୍ର ଇସୁ 

ଯେତେ ଯାହା ହୁଏ ତହିଁ

ମୋବାଇଲି ଯୁଗ ବଡ ମଜା ଲାଗେ

ନ ସରେ ତା ' ଗୁଣ ଗାଇ ।