ମୋ ସାଙ୍ଗ
ମୋ ସାଙ୍ଗ
ପିଲାଦିନ ସାଙ୍ଗ ଭେଟ ହେଇଗଲା ଛକ ପାନ ଦୋକାନରେ,
ବେକରେ ଝଟକେ ମୋଟା ସୁନାହାର, ବାଲା ପିନ୍ଧିଛି ହାତରେ ।
ଦଶଟା କୁକୁର ତାକୁ ଘେରିଛନ୍ତି ହଲେଇ ତାଙ୍କ ଲାଙ୍ଗୁଳ,
କିଏ ତା' ହାତକୁ ଛାଟି ଛାଟି ପକାଉଛି କିଏ ହେଉଛି ବିକଳ ।
ବିସ୍କିଟ ପକେଟ ଖୋଲି ଢାଳିଦେଲା ଖାଇଲେ କୁକୁର ଦଳ,
ଜୀବେଦୟା ଦେଖି ମୋର ଦୁଇଆଖି ହେଇଗଲା ଚଳଛଳ ।
କହିଲା-ମୋ ସାଙ୍ଗ ପାଠ ସିନା ନାହିଁ କରୁଛି ନୂଆ ବେପାର,
ଭଲ ରୋଜଗାର ହଉଛି ଏଇଠି ଜମିବାଡ଼ି କାରବାର ।
ତୁ ସିନା ବସୁଛୁ ଅଫିସର ହେଇ ପିଅନ କିରାଣୀ ଧରି,
ଆମପାଖ କେହି ମାଡ଼ନ୍ତିନି କେବେ ରହନ୍ତି ସେ ଡରିମରି ।
ମନର ବାସନା ରହିଛି କିଏ ମୋ ଆଗ-ପଛ ହେଉଥାଉ,
ଦଶଟା କୁକୁର ଲଙ୍ଗୁଳ ହଲାନ୍ତି ବଢିଥାଏ ମୋର ଭାଉ ।