ମୋ ସ୍ୱପ୍ନରେ ତୁ....

ତୋ' ମଧୁର ଓଠର ଛୁଆଁରେ

ହୁଏ ମୋ ସକାଳ

ତୋ 'କଣ୍ଠର ମଧୁର "ବବି" ଡାକରେ 

ନିଦ ଭାଙ୍ଗେ ମୋର ।

ଦିନ ମୋର ହୁଏ ଅତିକ୍ରାନ୍ତ

ତୋ ସହ ଫୋନରେ ଗପ ଯେବେ କରେ

ସଞ୍ଜ ଯେବେ ନଇଁ ଯାଏ ତନ୍ଦ୍ରା ଆସେ

ଶୋଇ ଯାଏ ମୁଁ ସନ୍ତୁଷ୍ଟି ନିଦ୍ରାରେ ।

 ଆଜି କିନ୍ତୁ........

ନିଦ ମୋର ଭାଙ୍ଗି ଯାଏ

ହେଲେ ହୁଏନି ସକାଳ

ନିଦ ଆଜି ମୋ ସହ ଖେଳେ ଖାଲି

ଲୁକା ଛୁପି ଖେଳ ।

 ଆଖିରୁ ମୋ ଝରେ ଲୁହ

ତୋ 'ଚିନ୍ତନରେ

ତୁ କିନ୍ତୁ ଶୋଇ ଗଲୁ

ନିଘୋଡ଼ ନିଦରେ ।

ପ୍ରତିଟି ମୁହୂର୍ତ୍ତ ମୋର କଟେ

ନିଜକୁ ଦେଇ ଦେଇ

ଅସହ୍ୟ ଯନ୍ତ୍ରଣା

ହେଲେ ତୋ' ପାଖେ ଅପହଞ୍ଚ

ମୋର ସେ କଷଣ ।

ଏମିତି ମୁଁ ଚାଲୁ ଚାଲୁ

ଜାଣେନା କେବେ ଆସିବ ସେହି

ମୋ ଜୀବନରେ ଚିର ଶାନ୍ତିର

ତନ୍ଦ୍ରା ଭରା ରାତି 

ଶାନ୍ତିରେ ମୁଁ ଯିବି ଶୋଇ 

ସ୍ୱପ୍ନରେ ମୋ ତୋ ମୁହଁକୁ ଦେଖି।