ମୋ କାଳିଆ ରାଜା

 ରଜାତ ରଜା ମୋ କାଳିଆ ରଜା

     ଛତିଶି ପାଟକ ସେବାରେ ଖଞ୍ଜା

     କିଏସେ ବଜାଏ ଭେରୀ ତୂରୀ ନିତି

   କିଏସେ ବଜାଏ ତେଲିଙ୍ଗୀ ବାଜା

   ରଜାତ ରଜା .......।

    କିଏ ଗୁନ୍ଥିଦିଏ ଦୟଣା ମାଳ

    କିଏ ସଜାଡଇ ତୁଳସୀ ଚୂଳ

    ସୁଆର ରାନ୍ଧନ୍ତି ମହାପ୍ରସାଦ

    ଭାରି ସୁଆଦିଆ ଛପନଭୋଗ

    ଗରାବଡୁ ଆଣି ଜଳ ପରଷନ୍ତି

    ପଣ୍ଡା ପଢ଼ିଆରୀ କରନ୍ତି ପୂଜା

     ରଜାତ ରଜା ......।

     ସ୍ନାନ ପୂର୍ଣ୍ଣିମାରୁ ଦଇତାପତି

     ରଥ ଶେଷଯାଏ ସେବା କରନ୍ତି

      ଅଣସର ଘରେ ଓଷୁଅ ଖୋଇ

      ରଥରେ ନିଅନ୍ତି ତୋତେ ବୁଲେଇ

      ରଥ ପହରନ୍ତି ନିଜେ ଗଜପତି

       ତୋପାଖେ ସମାନ ରଜା ପରଜା

       ରଜାତ ରଜା......।