ମୋ ଗାଁରେ ବର୍ଷା

ମୋ ଗାଁରେ ବର୍ଷା

ମୋ ଗାଆଁକୁ ଏବେ ବରଷା ଆସିଛି

ଖୁସିର ପସରା ନେଇ

ସବୁଜ ଦିଶୁଛି ବିଲ ବଣ ସବୁ

ପୁରି ଉଠିଲାଣି ନଈ ।

ବାଡ଼ିରେ ମାଡୁଛି ଜହ୍ନି ଓ ଛଞ୍ଚିନ୍ଦ୍ରା

ଫୁଟିଲାଣି ନାନା ଫୁଲ

ସାରୁ ବୁଦା ମୂଳେ ବେଙ୍ଗ ଓ ବେଙ୍ଗୁଲୀ

ହେଉଛନ୍ତି କେତେ ଗେହ୍ଲ ।

ଜୁଇ ଜାଇ ହେନା ମାଳତୀ ବାସୁଛି

ବିହନ ମାରିଛି ଗଜା

ମୁଡ଼ି ଓ ନଡ଼ିଆ ଖାଇବାକୁ ଏବେ

ଲାଗୁଅଛି ଭାରି ମଜା ।

ଭରା ଭରା ଦିଶେ ନଈ ନାଳ ସବୁ

ନଈରେ ପଡ଼ଇ ଡଙ୍ଗା

ବାଡ଼ିରେ କାକୁଡି ପିଜୁଳି ଫଳିଛି

ଫଳିଲାଣି କରମଙ୍ଗା ।