ମୋ ଗାଁ

ଆଜିବି ଶୁଭୁଛି ହୁଳହୁଳି 

କାର୍ତ୍ତିକରେ ହବିଶିଆଳି 

ଏବେବି ଗାଁ ଠାକୁରାଣୀ 

ମାଗନ୍ତି ମାଜେଣା ମାଗୁଣୀ 

ହରିବୋଲ ଶୁଭେ ସେଠି 

ଭାଗବତ ପଢା ଯୋଉଠି 

ଦୋଳ ହୋଲି ରେ ଯାତରା 

ସାହିରେ ହେଉଛି ଠିଆପାଲା 

ସଂସ୍କୃତି ଅଛି ଥିଲା ଥିବ 

ଯେତେ ମୁଁହ ବୁଲାଇଦେବ 

ଗାଁ ଚାଟଶାଳୀରେ ଶୁଭେ ପଣିକିଆ 

ଗୁଣନ ହରଣ ମାନସାଙ୍କ ବଢିଆ 

ସହର ଚକାଚକ୍ୟ ଦେଖି ଶିଖି 

ଗାଁ ତ ପରିବର୍ତ୍ତିତ ହେବ ହିଁ ହେବ 

ଏଥିରେ ଭାବିବାର କଣ ଅଛି 

ହେଲେ ସେଇ ଭାବ ସଦ୍ଭାବ ସଂସ୍କୃତି 

କେବେ ହୋଇନି କି ହେବନି ଇତି 

ଏ ଘରେ ଡାକିଲେ ସେଘର କରେ ଓ 

ଏଘରେ କୁନ୍ଥେଇଲେ ସେଘରୁ ଶୁଭେ ଓଃ 

କାହାର ଦେହଦୁଃଖ ଅବା ସୁଖେ 

ଗାଁରେ କିଏ ଭାଗି ବା ନହୁଏ 

ସେଇ ଝଙ୍କାଳିଆ ବରଗଛ ଅଛି 

ଭୋର ଭୋର କାଉ କା ବି କରୁଛି 

ପିତେଇନାନୀ ଚାଉଳ ଥୋଇ ପୁଅର 

ଶୁଭ ମନାଶୁଛି, ସାହରୁ ବାରତା ଆସୁଛି 

ଗେଲିବୋଉ ର କୁମ୍ଭପକା ଶାଢ଼ୀ 

କିଏ ନଦେଖିଛି,ଏମିତିକିନେତୀନାନିପିନ୍ଧିଛି 

ପିଠା ପଣା ଭୋଜି ଭାତ ଦିଆ ନିଆ 

ସଂସ୍କୃତି ମୋ ଗାଁରେ ବାସୁଛି ।