Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Laxmipriya Sahoo

Tragedy

4.0  

Laxmipriya Sahoo

Tragedy

ମୋ ବାପା

ମୋ ବାପା

1 min
222


ତୁମେ ଥିଲ ବାପା ସବୁ ଥିଲା ମୋର, କରିଦେଇଗଲ ଏକା, 

ସାତ ରଙ୍ଗ ଭରା ଇନ୍ଦ୍ରଧନୁ ଆଜି, ପାଲଟିଗଲାକି ଫିକା I

 

ତୁମରି ଅଭାବ ବୁଝି ମୁଁ ନଥିଲି, ଦେହଧାରୀ ଯେବେ ଥିଲ,

ବିଦେହରେ ଖୋଜେ ଆଉ କି ପାଇବି, ତୁମେ ବୋଧେ ଋଷିଗଲ I


ତୁମେ ଗଲା ପରେ ଭାବେ ବସି ଖାଲି, ହୁଅନ୍ତା କି ତୁମ ଦେଖା, 

ପଚାରନ୍ତି ଟିକେ କି ଦୋଷ ମୁଁ କଲି, ଛାଡି ଚାଲିଗଲ ଏକା I 


ଯାନିଯାତରାକୁ ଗଲାବେଳେ ତୁମେ, ନେଉଥିଲ ସାଥି କରି, 

ଆଜି କାହିଁ ତୁମ ମନେ ପଡିଲାନି, ଚାଲିଗଲ ପର କରି I


ଭାବିଲନି ଟିକେ କାନ୍ଦିବ ମୋ ଝିଅ, ମୋ କଥାକୁ ମନେ ପାଞ୍ଚି,

ଲୁହ ପୋଛିଦେବ କିଏ ଆଉ ତାର, କାନ୍ଦୁଥିଲେ ଲୁଚି ଲୁଚି I


ମା’ ଗାଳି ଦେଲେ ରାଗିଲେ ଋଷିଲେ, କିଏ ଆଉ ବୁଝେଇବ, 

ମା’ ଗାଳି ପରା ଦାଣ୍ଡ ଧୂଳି ଅଟେ, ମା’ ପରି କିଏ ହେବ I


ରାତିରେ ମୁଁ କାଳେ ଭୋକ ଉପାସରେ, ଶୋଇଯିବି ନଖାଇ, 

କେତେ ରାଜାରାଣୀ ଗପ ଶୁଣେଇଛ, ମନେ ଅଛି ଭୁଲି ନାହିଁ I


ସତ କହି ପଛେ ଜୀବନ ଦେବାକୁ, ଦେଇଛ ମୋତେ ଶିଖେଇ, 

ମିଛ ଆଗେ କେବେ ମଥା ନଇଁବୁନି, କହିଛ କେତେ ବୁଝେଇ I 


ସୁନାର ସଂସାର ଗଢିବା ପାଇଁକି, ପିଇଲ ସବୁ ଗରଳ, 

ନିନ୍ଦା ଅପବାଦ ସବୁ ତ ସହିଲ, ଆଖିରେ ଦେଇ ପରଳ I


ବଞ୍ଚିବାକୁ ମୋତେ ଦେଇଛ ଜୀବନ, ଦେଇ ରକ୍ତମାଂସ ହାଡ, 

ଦାନା କନା ଦେଲ ନିଜ ପେଟ ମାରି ,କରିବାକୁ ମୋତେ ବଡ I


ତୁମ ହାତ ଗଢା ମାଟି ପିଣ୍ଡୁଳା ମୁଁ ,ଛାଡିଦେଲ ଅଧା ଗଢି, 

କେମିତି ଗଢିବି ନିଜେ ମୁଁ ନିଜକୁ, ତୁମେ ଦେଲ ହାତ ଛାଡି I 


ତୁମରି ସପନ ପୁରା କରିବାକୁ, ଦିଅ ଆଶୀର୍ବାଦ ମୋତେ, 

ସତ୍ୟ ଆଉ ନ୍ୟାୟ ପଥରେ ଚାଲିବି, ହେଲେ ହେଉ କଷ୍ଟ ଯେତେ I 


Rate this content
Log in