ମନସ୍ୱୀ ମନୋଜ

      

ଅଖ୍ୟାତପଲ୍ଲୀ ଉତ୍କଳେ ନାମ ତା ଶଙ୍ଖାରି l

କାନ୍ଦଇ ଉତ୍କଳ, କାନ୍ଦେ ଶଙ୍ଖାରି, ଗୁମୁରି ll

ସୂକ୍ତିକା ମଧ୍ୟେ ମୁକ୍ତିକା ଯଥା ହୋଇ ଜାତ l

ଶଙ୍ଖାରିରେ ଜନ୍ମନେଲେ ପ୍ରଜ୍ଞାବାନ ପୁତ୍ର ll

ମନସ୍ୱୀ ମନୋଜ ଦାସ ସାହିତ୍ୟ ସାରଥୀ l

ଯଥା ବିଷ୍ଣୁ ଶର୍ମା ପଞ୍ଚତନ୍ତ୍ର ଗଳ୍ପେ ଖ୍ୟାତି ll

ପାଠକ ଶ୍ରୋତାଙ୍କୁ ମନ୍ତ୍ର ମୁଗ୍ଧ କରି ଗଳ୍ପେ l

ସାହିତ୍ୟତନ୍ତ୍ର କିରତୀ ଥାପି କଳ୍ପେ,କଳ୍ପେ ll

ବୌଦ୍ଧିକ ସାହିତ୍ୟ ସୃଷ୍ଟି ସମ୍ଭାର ଅସଂଖ୍ୟ l

ସମାଜସଂସ୍କାର ନୀତି ଅଟେ ଯାର ଲକ୍ଷ୍ୟ ll

ସାହିତ୍ୟ ପୂଜାରୀ ଖ୍ୟାତ ବିଶ୍ୱ ଦରବାରେ l

ପ୍ରାଜ୍ଞ, ବିଜ୍ଞ ମନୀଷୀଙ୍କୁ କିଏ କଳି ପାରେ ll

ଶିଶୁଠାରୁ ପ୍ରୌଢ଼ଯାଏ ସର୍ବେ ଅମୋଦିତ l

ସରଳେ ତରଳେ ବୌଦ୍ଧି ଚିନ୍ତା ରସସିକ୍ତ ll

ସମ୍ମାନ,ପଦବୀ ଆଶେ ନୁହେଁ ମୁଁ ଚିନ୍ତିତ l

ସାହିତ୍ୟ ସାଧନା ମୋର ଏକମାତ୍ର ବ୍ରତ ll

ଆମ ମନସ୍ୱୀ ମନୋଜ ଥିଲେ ଏହିଭଳି l

ଜନ୍ମଦିନେ ଜଣାଉଛି କୋଟି ଶ୍ରଦ୍ଧାଞ୍ଜଳି ll