ମନୋମାଳିନ୍ୟକୁ ଦୂର କର
ମନୋମାଳିନ୍ୟକୁ ଦୂର କର
ସକାଳୁ ନିଦ୍ରା ଭାଜି ଉଠି ଭାଳେ ମୁହିଁ
ଆଜି ପରା ବୁଧବାର
କଥା ଅଛି ପୁରିବ ମନର କାମନା ସବୁ
ଯେବେ ବୁଧିବାମନଙ୍କୁ ସ୍ମର |୧|
ଦେଶଭକ୍ତ ଯିଏ ଦେଶର ହିତରେ ସଂସାରେ
ସବୁ ସମ୍ପର୍କକୁ ତୁଚ୍ଛ କରିପାରେ
ସାମ୍ପ୍ରଦାୟିକତା ବିଷ ଯିଏ ବୁଣେ ସେ ଦେଶ
ପାଇଁ ତ ଚିନ୍ତା କରି ନପାରେ |୨|
ସ୍ୱାର୍ଥପରତା ଓ କ୍ଷମତା ହାସଲ ତ ତାର ନିଶା
ଲାଗି ପଡେ ଘୃଣ୍ୟ ରାଜନୀତିରେ
ସମାଜେ ସଂସ୍କାର ସେ ଚିନ୍ତା କରି ତ ପାରେନି
ବିଷ ଭରିଦିଏ ଅମୃତ ଭାଣ୍ଡରେ |୩|
ଦିନକୁ ଦିନ ସ୍ୱାର୍ଥପରତା ଓ କ୍ଷମତା ଯୋଗୁ
ପାପ ଭାରା ଜଗତେ ବଢଇ
ଅନ୍ୟାୟ ବଢୁଛି ପ୍ରବଳ ପ୍ରତିବାଦ ନାହିଁ କାର
ଧାର୍ମିକ ଏଠି ରହୁଛି ଶୋଇ |୪|
ଏ ତ ପ୍ରକୃତିର ନୀତି ବିପଦ ଆସିବ ମାଡି ଆସନ୍ତା
ଦିନକୁ କଟିବ ଦିନରାତି ସଂଘର୍ଷରେ
କିନ୍ତୁ ବଞ୍ଚିବାକୁ ହେବ ଆମକୁ ଜୀବନ ସଂଗ୍ରାମେ
ଆମର ସମୁହ ପ୍ରୀତିର ଶକତିରେ। |୫|
ଜୀବନ ସଂଗ୍ରାମ ଅଟେ କଷଟି ପଥର ସଂଘର୍ଷରେ
କେବଳ ଶୁଭ ସମ୍ବାଦ ମିଳିବ
ଭାଗ୍ୟ ଭଗବାନ କହି ଚେଇଁ ଶୋଇଲେ ବିଶ୍ବରେ ଯୁଦ୍ଧ
ଦେହି ଡାକେ ଘୋର ଅନ୍ଧକାର ଘୋଟି ଆସିବ ।୬।
ଶାନ୍ତ ସ୍ୱଭାବରେ ବନ୍ଧା ଏ ମଣିଷ ସଂସାର ଭିତର
ସରବେ ରହିଛେ ସେ ଡୋର ମଧ୍ୟର
ତେଣୁ ସ୍ମରୁଛି ଆଜି ବୁଧିବାମନଙ୍କୁ ଜାତି ଧର୍ମ ନେଇ
ସବୁ ମନୋମାଳିନ୍ୟକୁ ଦୂର କର ।୭।