ଆକାଶ
ଆକାଶ
1 min
231
ବିଶାଳ ରୂପ ଅଟେ ଅନନ୍ତ
ସୁନୀଳ କଳେବର।
ଶୂନ୍ୟରେ ଘେରା ବାୟୁରେ ଭରା
ଜ୍ୟୋତିଷ୍କେ ଭରପୁର।
ବିଶ୍ୱବ୍ରହ୍ମାଣ୍ଡ ଧରିଛି ବକ୍ଷେ
ସୂର୍ଯ୍ୟ ଚନ୍ଦ୍ରଙ୍କ ଘର।
କୋଟି ତାରକା ରରଣି ଯହିଁ
ମେଘର ଅଟେ ଘର।
ଆକାଶଗଙ୍ଗା ଧୂମକେତୁଙ୍କ
ଯହିଁ ନିବାସ ସ୍ଥଳ।
ଗ୍ରହ ମାନଙ୍କ ଘୂର୍ଣ୍ଣନ ସଂଗେ
ଋତୁଙ୍କ ହୁଏ ଖେଳ।
କେବେ ସୂରୁଜ କେବେ ଚନ୍ଦ୍ରମା
ଦିଶଇ ତାର ବକ୍ଷେ।
ଦିନ ରାତିର ସୃଷ୍ଟି ହୁଅଇ
ଶୁକ୍ଲ ଅନ୍ଧାର ପକ୍ଷେ।
ବାଦଲ ଯହିଁ ରଚଇ ମାୟା
ବରଷା ପଡେ ଝରି।
କାକର କେବେ କୁହୁଡି କେବେ
କରକା ରୂପ ଧରି।