ମନ ଝୁମି ଝୁମି ଯାଏ
ମନ ଝୁମି ଝୁମି ଯାଏ
କେଉଁଠି ଅଛ ଏବେ ତମେ !
ସାରା ରାସ୍ତା କୃଷ୍ଣଚୂଡାରେ
ଦିଶିଲାଣି ଭରା ଭରା,
ନଈ ପଠାରେ ମୁଁ ବସିଛି
ତମ ପ୍ରତୀକ୍ଷାରେ
ଏକା ଏକା ଦିନ ସାରା,
ଗୋଲାପି ଓଠରେ ହସ ଫୁଟାଇ
ସ୍ବପ୍ନ ବିଳାସିନୀ ଆଖିରେ କଜଳ ନାଇ
କହିଲ କେବେ ତମେ ଆସିବ
ରାସ୍ତା ଯାକ ମହମହ ବାସ ଛୁଟାଇ .... !
ମୁଁ ଜାଣେ ତମେ ମୋ ମନରେ
କୃଷ୍ଣଚୂଡ଼ା ର ମାଦକତା
ବୈଶାଖର ସ୍ମୃତିଝରା ସଂଜରେ
ପ୍ରଥମ ବର୍ଷାର ଶୀତଳତା ,
ହେଲେ ଏକଥା କିଏ ବୁଝାଇବା ତମକୁ
ତମେ ତ ନିଜ ଛଡ଼ା
କେବେ ବୁଝିଛି ଆଉ କାହାକୁ !
ତଥାପି ତମ ପାଇଁ
ମନ ମୋର ଝୁମି ଝୁମି ଯାଏ ଆଜି
ପୀରତିର ଚହଲାଇ ପାଣିରେ ,
ତମ ବିନା ବରଫର ଅସ୍ତିତ୍ଵ ମୋ
ଧୋଇ ହୋଇ ହୋଇ ଘଷି ଯାଏ
ବିରହର ପ୍ରଖର ବହ୍ନିବଳୟରେ ....।