ମିଛ ଅବା ସତ

କଜ୍ଜ୍ଵଳ ଭରା ସନ୍ଧ୍ୟା ଆସିଲେ

ଚନ୍ଦନ ଅଗରୁ ବାସେ

ଅନ୍ଧାର ବେଣୀ ଛାଟି ଆସେ ରାତି

ଚୁଆ ଚନ୍ଦନ ପରଶେ

ଅଳପ ଅଳପ ଗଳପ ଆଳାପେ ଦିନ

ସୂର୍ଯ୍ୟଙ୍କ ପରିପ୍ରକାଶେ

ମଧ୍ୟାର୍ଣ୍ଣ ମୟୂଖ ତେଜ କିରଣ ସୁପ୍ରକାଶ

ଘଣ୍ଟ ଘଣ୍ଟା ଧ୍ଵନିର ଅବକାଶେ

ନିୟତି ନିଇତି ଖଞ୍ଜି ପ୍ରତିଶ୍ରୁତି ପଣେ

ଚାଲୁ ତାଙ୍କରି ନିର୍ଦ୍ଦେଶେ

ଭାଗ୍ୟ ଆଉ କର୍ମ ଦୁହେଁ ପରିପୂରକ

ଅବଶୋଶ ଅବଶୋଶେ

ଆଜି କଥା ଆଜି କାଲି କେ ଦେଖିଛି

ବିଶ୍ୱାସର ନିଃଶ୍ୱାସେ

ଆସନ୍ତା କାଲି କେ କହି ପାରନ୍ତା ଯଦି

ହରଣର ଭାଗଶେଷେ

କାହିଁକି ଜୀବନେ ମାୟା ମୋହ ଜାଲ

ଆତ୍ମାର ପରିପ୍ରକାଶେ

ଜାଣି ସବୁ କିଛି ମଣିଷ ହୁଏ ବାଇଆ

ଜୀବନର ଅବଶିଷ୍ଟ ଅଂଶେ